imzot nikollË kaçorri prehet nË atdheun e tij - kishadhejeta.com
imzot nikollË kaçorri prehet nË atdheun e tij - kishadhejeta.com
imzot nikollË kaçorri prehet nË atdheun e tij - kishadhejeta.com
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Shkurt 2011<br />
Kisha dhe jeta<br />
3<br />
Eshtrat e Imzot Nikollë Kaçorrit në atdhe<br />
(1868-1917)<br />
Meshë drite për Imzot Nikollë Kaçorrin<br />
Durrës, shkurt 2011<br />
Mbi lumenjtë e Babilonisë,<br />
Atje rrinim e vajtonim,<br />
E nëpër mend shkonim Sionin.<br />
Atje, shpërngulësit tanë na kërkonin<br />
këngë:<br />
“Na këndoni këngët e Sionit!”<br />
Po si mund t’i këndojmë<br />
këngët e Zotit në dhe të huaj?<br />
Predikimi i ShT. Imzot Rrok Mirdita<br />
me rastin e rivarrimit të eshtrave të<br />
Imzot Nikollë Kaçorrit në Kishën e<br />
Shën Luçisë në Durrës.<br />
Të nderuar Zonja dhe zotërinj,<br />
Të dashur vëllezër e motra,<br />
Psalmi 137 përshkruan me nota melankonie<br />
të thellë gjendjen e hebrenjve larg tokës së tyre<br />
të pushtuar e të shkretuar nga babilonezët para<br />
2500 vjetësh. “Si mund t’i këndojmë këngët e<br />
Zotit në dhe të huaj?”, thotë psalmisti. Historia<br />
biblike e shpërnguljes së hebrenjve është paradigmë<br />
e një populli që kërkon një atdhe ku të<br />
jetë i lirë, sepse vetëm në liri mund të këndohen<br />
këngët e Zotit.<br />
Sot kemi para nesh mbetjet mortore të një<br />
burri të madh të kombit tonë, që gjatë tërë<br />
jetës ka kërkuar një atdhe të lirë dhe ka vdekur<br />
tokë të huaj. Imzot Nikollë Kaçorri qëndron në<br />
themelet e shtetit shqiptar në të gjitha kuptimet<br />
e fjalës themel. Së pari, sepse ka pasur bindjen e<br />
thellë se shqiptarët nuk mund të prisnin më për<br />
t’u çliruar nga sundimi i gjatë osman, dhe kjo<br />
bindje e ka shtyrë të angazhohet për të përgatitur<br />
mendërisht, kulturalisht dhe politikisht popullin<br />
shqiptar për shpalljen e pavarësisë. Së dyti,<br />
sepse priti në Durrës delegacionin që ishte nisur<br />
nga Trieste për të shpallur “Shqipninë e mos<br />
varme” dhe, pasi u vu re se shpallja e pavarësisë<br />
në Durrës vihej në rrezik për shkak të pasigurisë<br />
së a<strong>tij</strong> qyteti të kërcënuar nga pretendimet serbe<br />
dhe greke, bëri të mundur sigurinë e udhëtimit<br />
të kë<strong>tij</strong> delegacioni drejt Vlorës. Së treti, sepse<br />
në Vlorë jo vetëm se hodhi firmën përkrah<br />
Ismail Qemalit dhe ishte ndër pesë personat që<br />
valëvitën për herë të parë flamurin e Shqipërisë<br />
së pavarur, por u bë edhe zëvëndëskryeministri<br />
i parë i shtetit të ri shqiptar. Ai qëndron në<br />
themelet e shtetit shqiptar jo vetëm sepse është<br />
njëri ndër gurët e mëdhenj të kë<strong>tij</strong> themeli,<br />
por sepse më shumë se të gjithë protagonistët<br />
e tjerë ka mbetur i fshehur dhe i mbuluar me<br />
heshtje nga historia shqiptare si gjatë periudhës<br />
komuniste, ashtu edhe gjatë këtyre njëzet vjetëve.<br />
Themelet janë të padukshme për vetë funksionin<br />
e tyre të mbajtjes së godinës që mbështet mbi<br />
të, por, nëse njerëzit që banojnë në atë godinë<br />
lejojnë të përjashtohen nga themelet gurë të tillë<br />
të mëdhenj, rrezikojnë të banojnë në një godinë<br />
të lëkundshme. Përballë kthimit në Shqipëri të<br />
eshtrave të Imzot Nikollë Kaçorrit, më lind vetvetishëm<br />
dhe fuqishëm dëshira dhe urimi që në<br />
Shqipëri të fillojë të bëhet me vërtetësi, dashuri<br />
dhe korrektesë shkencore hetimi i historisë sonë<br />
të hershme dhe të vonë, me motivin e vetëm, që<br />
kujtesa historike kombëtare të bëhet një thesar<br />
i çmueshëm nga i cili të mund të nxjerrim<br />
mësime për të tashmen dhe të ardhmen e vendit<br />
tonë. Njohja e turbullt e historisë së shkuar, pa<br />
llogaritur pastaj shtrembërimin me apo pa dashje<br />
të saj, rëndon si një perde e errët në horizontin<br />
e shpirtit të kombit, prandaj është detyrë jo<br />
vetëm e historianëve, por e çdo shqiptari, të<br />
japë ndihmesën e vet për ta shthurur fije për<br />
fije këtë perde.<br />
Këtë ndihmesë e kanë dhënë të gjithë ata që<br />
janë kujdesur për kthimin në atdhe të eshtrave të<br />
Imzot Kaçorrit, prandaj atyre u drejtoj me gëzim<br />
dhe kënaqësi mirënjohjen time më të thellë.<br />
Le të kthehemi edhe një herë tek psalmisti i<br />
sotëm. “Si t’i këndojmë këngët e Hyjit në tokë<br />
të huaj?” Përvoja e tokës së huaj ka qenë përvoja<br />
e gati gjithë jetës së Imzot Kaçorrit. Ai lindi në<br />
një fshat të Lurës në atë periudhë të historisë<br />
kur toka e shqiptarëve ishte si të ishte e huaj,<br />
sepse gjendej nën zotërimin e Portës së Lartë<br />
të Stambollit. Pas studimeve teologjike bazë<br />
në Shkodër, që do ta përgatisnin për meshtari,<br />
njohu të tjera toka të huaja, sepse kaloi disa vite<br />
studimi në Zvicër, për t’u kthyer në Shqipëri<br />
me prerjen mendore të njeriut europian, për<br />
t’iu kushtuar bashkësive katolike të kurbinit<br />
dhe të Durrësit. Përkushtimi baritor përfshinte<br />
realitetin njerëzor në tërë përmasat e <strong>tij</strong>, prandaj<br />
famullitari i Durrësit jo vetëm që nuk la pas dore<br />
lëngatën në të cilën gendej popullsia shqiptare<br />
nën sundimin turk, por u vendos në krye të