imzot nikollË kaçorri prehet nË atdheun e tij - kishadhejeta.com
imzot nikollË kaçorri prehet nË atdheun e tij - kishadhejeta.com
imzot nikollË kaçorri prehet nË atdheun e tij - kishadhejeta.com
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
shkurt 2011 Kisha dhe jeta<br />
6<br />
Imzot Rrok Mirdita Arqipeshkëv i Metropolit<br />
Tiranë-Durrës të gjithë meshtarëve, rregulltarëve,<br />
rregulltareve dhe besimtarëve<br />
Fort të dashur,<br />
Jemi përsëri në prag të kohës së shenjtë të<br />
Kreshmëve. Me të vërtetë është një dhuratë<br />
e madhe, sepse është ftesë për të përjetuar<br />
dashurinë e Hyjit për njeriun e bjerrë. Ftesa e<br />
Jezusit, “Kthehuni dhe besojini Ungjillit”, që do<br />
ta dëgjojmë të Mërkurën e Përhime, qëndron<br />
edhe sot. Madje ka një domethënie shumë të<br />
rëndësishme për shoqërinë e sotme.<br />
NJË KËNDVËSHTRIM I SHOQËRISË<br />
SË SOTME<br />
Kohët ndryshojnë dhe, bashkë me to,<br />
ndryshojmë edhe ne. Nuk mund të mendojmë<br />
vetëm për të kaluaren, sepse kjo do të na mbyllte<br />
në një nostalgji të pafrytshme. Nuk mund të<br />
mendojmë vetëm për të ardhmen, sepse kjo do<br />
të na projektonte drejt një utopie ëndrrimtare.<br />
As mund të mendojmë vetëm për të tashmen,<br />
sepse kjo do të na mbyllte në një vetëkënaqësi<br />
me atë që jemi dhe kemi.<br />
Kisha është e lidhur me të kaluarën, sepse<br />
është themeluar mbi një ngjarje historike, që<br />
është ardhja, vdekja dhe ngjallja e Jezu Krishtit.<br />
Kisha gjithashtu shikon drejt së ardhmës, sepse<br />
është gjithmonë duke pritur ardhjen e Mbretërisë<br />
së Zotit. Por Kisha domosdoshmërisht duhet të<br />
vështrojë me kujdes të tashmen. Ky vështrim<br />
shpeshherë shkakton shumë dhimbje, kur<br />
shohim sesi shoqëria, me anë të mjeteve të<br />
komunikimit, paraqet modele të reja që jo<br />
vetëm nuk përfaqësojnë vlerat ungjillore, por<br />
janë edhe në kundërshtim me këto vlera. Në<br />
një situatë të tillë, veset çmohen si virtyte,<br />
ndersa virtytet konsiderohen si vese apo dobësi.<br />
Kështu rrezikohet që ai që nuk vjedh nga një<br />
fabrikë ose nga një dipartiment shtetëror të<br />
quhet “skrupuloz”, ai që ushtron me entuziazëm<br />
fenë e <strong>tij</strong> të quhet “fanatik religjoz”, ai që nuk<br />
hakmerret nga armiku të quhet “frikacak”, ai që<br />
nuk përdor një fjalor të ashpër e nganjëherë edhe<br />
banal, të quhet “i ngushtë”.<br />
Pikërisht ky mentalitet e vë në rrezik<br />
shoqërinë e sotme. Flasim shumë për solidaritet,<br />
drejtësi, paqe, vëllazëri, e shumë vlera të tjera.<br />
Por këtu vërejmë hipokrizinë e shoqërisë<br />
bashkëkohore, sepse ndersa flasim për këto<br />
vlera të bukura – dhe që janë thelbësisht vlera<br />
të krishtera – përjetojmë një situatë krejt në<br />
kundërshtim me të po këto vlera.<br />
PËRGJEGJËSIA JONË<br />
Papa Pali VI, në kohën e <strong>tij</strong>, ka shtruar<br />
pyetjen: “Për çfarë ka më shumë nevojë<br />
Kisha sot?” Dhe ai vetë është përgjigjur:<br />
“Sot Kisha ka nevojë për besimtarë të fortë”.<br />
Besoj se sot, gati dyzet vjet pasi Papa Pali VI<br />
ka bërë këtë pohim, duhet të pranojmë se<br />
kemi edhe më shumë nevojë për besimtarë<br />
të tillë, të bindur në besimin e tyre, të fortë<br />
në dëshminë e tyre.<br />
Para tre muajsh kemi përkujtuar mbylljen<br />
e procesit dioqezan për çeshtjen e martirëve<br />
shqiptarë, që shpresojmë s’do të vonohemi t’i<br />
shohim të shpallur “të lumtur”. Kemi fat se<br />
kemi dëshminë e shumë besimtarëve që kanë<br />
njomur <strong>atdheun</strong> me gjakun e tyre, sepse deshën<br />
të qendrojnë besnik deri në fund ndaj besimit<br />
të tyre, pa bërë asnjë kompromis me një regjim<br />
ateist.<br />
Po ne, si të krishterë, çfarë dëshmie po japim<br />
në një Evropë që dalëngadalë po i kthen shpinën<br />
Krishtit dhe Ungjillit të <strong>tij</strong>, po u kthen shpinën<br />
vlerave që e kanë stolisur me një kulturë e që<br />
i dhanë një identitet? Me shumë arsye Papa<br />
Gjon Pali II thoshte: “Nuk duhet të harrojmë<br />
kontributin e madh që krishterimi i ka dhënë<br />
kulturës dhe instituteve evropiane: dinjitetin<br />
njerëzore, lirinë, shkolla dhe universitete,<br />
shërbime shoqërore...”<br />
Shoqëria e sotme ka nevojë për modele të<br />
reja. Ne jemi të thirrur, dhe kemi përgjegjësi të<br />
madhe, që të bëhemi keto modele në shoqëri,<br />
duke u angazhuar për atë drejtësi që është<br />
themeli i paqes, duke përjetuar atë dashuri që<br />
nuk ka kufi dhe që është aq e fortë saqë nuk<br />
hakmerret, duke qendruar besnik ndaj ungjillit<br />
që të jemi me të vërtetë dritë që ndriçon<br />
errësirën. Jemi trashëgimtarët e besimit që ka<br />
nisur në botë një revolucion të veçantë, sepse<br />
arma e vetme e kë<strong>tij</strong> revolucioni ishte arma e<br />
dashurisë. Kush ka folur më mirë se Jezusi për<br />
dashurinë? Ai ka thënë: “Çkado bëtë për njërin<br />
ndër këta vëllezër të mi më të vegjël, e bëtë për<br />
mua” (Mt 25, 40)? Kush ka folur më qartë për<br />
barazinë mes të gjithë njerëzve se shën Pali që<br />
thoshte: “Nuk ka më: hebre ose grek! Nuk ka<br />
më: skllav ose i lirë! Nuk ka më: mashkull ose<br />
femër! Të gjithë ju jeni NJË në Krishtin Jezus!”<br />
(Gal 3, 28).<br />
Të dashur vëllezër e motra, le të dëftojnë<br />
mirënjohjen tonë ndaj Zotit që na ka rilindur në<br />
saje të pagëzimit. Koha e kreshmëve na detyron<br />
të ripërtërijmë hirin e pagëzimit, që do të thotë<br />
një “jo” mëkatit dhe një “po” dashurisë së Zotit.<br />
Pa asnjë kompromis me asnjë lloj padrejtësie,<br />
hakmarrjeje, korrupsioni, le të tregohemi si<br />
trashgimtarë të vërtetë të Ungjillit që na bën<br />
apostuj të vlerave që mund të shndërrojnë<br />
shoqërinë në një familje ku sundon dashuria,<br />
drejtësia, paqja, solidariteti.<br />
Ju kujtojmë detyrën tonë të mbajmë agjërim<br />
të Mërkurën e Përhime e më pas të Premten e<br />
Madhe. Janë të detyruar të agjërojnë në këto dy<br />
ditë të gjithë ata që kanë mbushur moshën 18<br />
vjeç deri në 60 vjeç. Mosngrënia e mishit është e<br />
detyrueshme për të gjitha të premtet e kreshmeve<br />
për të gjithë ata që kanë mbushur 14 vjeç.<br />
Duke ju uruar çdo të mirë shpirtërore gjatë<br />
kësaj periudhe të shenjtë, ju përcjell bekimin<br />
tim baritor.<br />
Dhënë nga Kuria Arqipeshkvnore, sot më<br />
2 mars 2011.