Misioni Katolik Shqiptar në Zvicër më 20 dhe 21 ... - Famulliabinqes

Përgaditi: Luigj Sopi - Luzi
MISIONI KATOLIK SHQIPTAR NË ZVICËR MË 20 DHE
21 TETOR FESTOI 20 VJETORIN E THEMELIMIT TË
SAJ 1992-2012.
Ky vit jubile u shënua fillimisht me një Akademi solemne që u mbajt me 20.
tetor, në Luzern. Në këtë Akademi u bisedua kryesisht mbi rëndësinë e
themelimit dhe të punës së Misionit në përgjithësi.
Në këtë festë jubilare morën pjesë Imzot Dodë
Gjergj, Imzot Lucian Avgustini, Don Aleksander
Kola njëherit edhe themelues i Misionit në Zvicër,
pastaj ish- misionarët don Marjan Marku, don
Marjan Demaj, don Mikel Sopi, Patër Marjan
Lorenci nga Gjermania, ambasadori i Republikës
së Kosovës në Zvicër z. Naim Malaj dhe shumë prfaqësues tjerë Zvicëran.
Në fillim, para hapjës të akadamisë, nikoqiri Don Agim
Qerkini, misionar në Zvicër, përshëndeti dhe falënderoi
të gjithë për prezencën e tyre e në vaçanti përshëndeti
don Marjan Marku dhe don Mikel Sopi-n, ish misionarin
e qendërs së Aarau-t, ku mes tjerash don Agimi ceku
se pikërisht don Mikeli ka bartur peshën e formësimit të
kësaj qendre dhe organizimin e punës së mëtutjeshme.
Në vazhdim të akademisë, në mënyrë të posaqëme u
përshëndetën Daniel Vasall, anëtar i Këshillit
Administrativ për Misionet e huaja në Zvicër, Ipeshkvi i
Ipeshkvisë së Sapës (Shqipëri) Lucian Avgustini si dhe
Ambasadori i Republikës së Kosovës në Zvicër, z. Naim
Malaj. Më pas u lexua urimi i ipeshkvit të Baselit Felix
Gmür dhe ai i Ambasadorit të Shqipërisë në shtetin
helvetik, z. Mehmet Elezi.
Hapjen e akademisë e bëri Ipeshkvi i Administraturës Apostolike të Prizrenit,
Shkelqësia e tij Imzot Dodë Gjergji. Në fjalën e tij ai falënderoi institucionet
dhe kishën lokale zvicerane për mbështetjen që u japin misioneve tona si dhe
falenderoi të gjithë misionarët që kanë shërbyer dhe vazhdojnë të shërbejnë
në këto qendra. Dhe vazhdoi;
“Të dashur vllezër dhe motra!
www.famulliabinqes.com

Më kujtohet shënimi i 10 vjetorit i fillimit të punës së Misionit Katolik Shqiptar
në Zvicër në vitin 2002., kur unë isha në rolin e moderatorit të Akademisë në
atë përvjetor të organizuar në Emensbruken nga misionarët e më parshëm don
Marjan Marku dhe don Marjan Demaj, ndërsa sot dhjetë vite më vonë kam
kënaqësinë të përshëndes në këtë akademi të pranishmit edhe në emër të
misionarit në Sirnach don Albert Demaj dhe misionarit të ri në Aarau don Pren
Kola. Prandaj, unë ndihem sot shumë krenar që në 20 vjetorin e themelimit të
Misionit Katolik Shqiptar e që do vazhdoj nesër kremtimi i përbashkët i
meshën solemne në Sursse, ka për qëllim paraqitjën e punës dhe aktiviteteve
që janë bërë gjatë kësaj periudhe por edhe për t’i nderuar gjithë ata të ciliët
kanë kontribouar në hapjen dhe marvajtjen e misionit. Së pari më lejoni të
përshëndes përsonalitetet e institucionet vendore që në vazhdimësi kanë
kujdes për migrantët, pastaj edhe gjithë ata që kanë punuar në misionet,
misionarët, motrat, bashkpuntorët, dhe gjithë të tjerët që në forma tjera
mbështesin këto aktivitete të cilat, para se të bëjmë hapjen e kësaj akademie,
më lejoni të përshëndes Shkelqësinë e tij monsinior Lucian Avgustini, ipeshkëv
i ipeshkvisë së Sapes në Shqipëri, të nderuarin ambasador i kosovës zotin
Naim Malaj, të gjithë ligjeruesit që sot do shpalosin para nesh temat e tyre.
Me knaqësi të madhe shpalli edhe faktin tjetër këtu para jush se jemi në
përgaditje të botimit të një monografie, ku do botojmë edhe gjitha aktivitetet e
Misionit përfshirë edhe materialet që do shpalosen sot në këtë akademi.
Ju falenderoj shumë për pjesmarrje dhe tani thrrasë në skenë, mons.Lucian
Avgustinin.
Fjala përshëndetëse e Mons. Lucian Avgustinit, ipeshkëv i Sapes (Shqipëri)
Të nderuar!
Jam shumë i lumtur që sot jam në mesin tuaj, në
kremtimin e 20 vjetorit të themelimit të Misionit
Katolik Shqiptar këtu në Zvicër.
Unë isha në Luzern kur ka filluar punën Misioni dhe
kam përcjellur rritjen e këtij Misioni, dhe
shpeshëherë kam marrë pjesë në aktivitete të
ndryshme. Tani shumë gëzohem për punën dhe
frytëshmërinë e saj 20 vjeçare dhe uroj suksese që
të mund edhe më tutje gjithëmonë në nderë e lavd
të Madhit Zot dhe të mirën e popullit të punon, të
angazhohen që të ruhen këto vlera të popullit tonë
por njëkohësisht të kujdesohen për integrimin sa më
të mirë të besimtarëve që jetojnë këtu në Zvicër.
Urime për shumë shumë vite.
www.famulliabinqes.com

Fjala e Imzot Dodë Gjergji, me rastin e 20 -vjetorit të
Misionit Katolik Shqiptar, gjatë akademisë!
Motra dhe vllezër në Krishtin, të nderuar vllezër meshtar, shumë i nderuari
zoti ambasador i kosovës Naim Malaj!
Është një kënaqësi e veçant për mua që sot të
jem në mesin tuaj dhe së bashku me ju të
bashkëndaj gëzimin që bartë në zemrat e gjithë
neve, ky kremtim i 20 vjetorit të pranisë tuaj me
kishën bashkë këtu në Zvicërr.
Sot gëzimi është shumë i madh që jam në mesin
tuaj, por gëzimi edhe më i madh do ishte që t`i
kishim kushtet që të ju them; hajde të shkojmë
në shtëpi në vendlindje sepse keni ndejtur mjaftë
në Zvicër, me qenë se kjo ftesë e imja buron nga
zemra duhet ta përballojmë dhe ta trasojmë me
mundësit që kemi, sepse një kthim i tillë nga
kushëdo që të vjen duhet të mbështetët edhe me
mundësi, që edhe në Kosovë të kemi një
ardhmëri ose me krijuar kushtet dhe standartin e jetesës ashtu sikur i keni
arritur edhe këtu në Zvicër.
Të qenurit migrant, apo ecje prej vendit në një vend tjetër nuk është një
ngjarje e re, ajo ka ndodhur edhe është duke ndodhur që nga kohrat e lashta
dhe po ndodhë edhe sot, njerëzit komunikojnë njëri me tjetrin, njerëzit ecin
për të zbuluar diçka më të mirë, dhe njerëzit dalin prej vendit të vet për të
kërkuar kushte më të mira për jetë. Ecja e njerzëve defakto e simbolizon edhe
udhëtimin tonë drejt qiellit, sepse të gjithë kërkojmë diçka më të mirë, të
gjithë dëshirojmë një jetë më të mirë për ne, për fëmijtë tanë, dhe deshirojmë
të lamë një jetë sa më të sigurt për pasardhësit tanë. Kjo deshirë ka shtyer
gjithëmonë njerëzit të dalin nga vatrat, nga kullat e tyre, ti lanë tokat dhe të
nisen në vende më të largëta që t`i sigurojnë këto të mira dhe t`i arrijnë këto
dëshira.
Në kohen biblike ne e dimë se Zoti e ka përcjellur njeriun gjatë jetës së tij mbi
tokë. E dimë se Zoti i thoshte Abrahamit; shko atje më poshtë se atje ka
kullota më të mira për ty dhe për bagtitë tua. Zoti i thoshte dhe Jakobi bijëve
të vet; shkoni në Egjipt dhe bleni ushqime që të munden të jetoni!
Kështu kemi dëshmitë biblike që Zoti është kujdesur për popullin e vet dhe ka
përcjellur njeriun gjatë ecjes së tij duke e mësuar atë jo vetëm për të arritur
përsosmërin shpirtrore por edhe duke e drejtuar atë mbi tokë që të mundë t`i
shfrytëzoj të mirat që ka krijuar Zoti, që ai të siguroj një jetë më të mirë e më
me pak mundim.
E dimë që edhe në kohërat më të reja populli jonë shqiptar është detyruar që
të lëshoj vendin e vetë dhe të vij këtu në Zvicër, në Gjermani, Amerikë e kudo
tjetër, dhe atë jo ndoshta vetëm për të krijuar kushte më të mira apo jetë më
www.famulliabinqes.com

të mirë por edhe për shkak të sigurisë, të jetës dhe familjes së vetë nga
rrethanat që kishim. Edhe Kisha në këto rrethana është kujdesur dhe ka ecur
me ju dhe është munduar ta përcjell grishën e vet dhe të ndihmoj popullin, që
ta ruaj pasurinë që ka sjellur me veti, pra kulturën, gjuhnn dhe dashurinë ndaj
atëdheut.
Ju nuk duhet të keni aspak frikë nga integrimi, sepse sa më shumë të
integroheni në jetën shoqërore, në jetën e kishës dhe në mnyrën e të jetuarit,
aq më shumë do keni mundësi për vetën tuaj dhe me siguri do keni mundësi
t`i bashkëndani të mirat me të gjithë, me fëmijtë e juaj, pasuritë që ka ky
vend.
Unë besoj dhe jam shumë i bindur se ju jeni në rrugë të mirë të integrimit, por
kjo në asnjë mënyrë nuk duhet të nënkuptoj se ju duhet të harroni atë që jeni,
nuk duhet të harroni atë që keni bartur në zemër nga të parët tuaj, nuk duhet
të harroni atë dashuri të cilën e keni mjellur qysh moti sikur farë të qenunit
bijtë e një kombi që ka ditur gjithëmonë të përpiqet për të mbijetuar për fe e
atdhe. Atëherë edhe feja është sinonim për ne të krishterët, dhe populli jonë
ka nevoj për dëshminë, por edhe shteti i ri i Kosovës ka nevoj për dëshminë
tonë, ka nevoj për dëshminë e qëndresës, ka nevoj për dëshminë e dashurisë,
ka nevoj për dëshminë e sakrificës, për dëshminë e qëndrueshmërisë
shekullore. Dhe këto dëshmi nuk kemi nevoj që t`i nxjerrim nga arhiva, sepse
ne jemi sot dëshmi e gjallë.
Tani shfrytëzoj rastin t’ju falenderoi gjithë juve që e keni dashur me gjithë
zemër popullin dhe kishën, dhe keni sakrifikuar edhe nga kafshata e fëmijëve
tuaj që t’na ndihmoni neve në Kosovë në rrethana të ndryshme. Dëshiroj të
falenderoj të gjithë meshtarët që kanë shërbyer në këto misione e në mnyrë të
veçantë dëshiroi të falenderoj don Aleksandrin dhe ta përshëndes me gjithë
zemër, sepse don Aleksander Kola është misionari i parë i cili së bashku me
baballarët e juaj por edhe me shumë nga ju që jeni të pranish sot këtu
themeluan Misionin Katolik Shqiptar në Zvicërr.
Faleminderit don Aleksander, dhe të gjithë atyre që kanë ndihmuar! Urime 20
vjetori dhe gëzuar!
www.famulliabinqes.com

Fjala e ipeshkvit Dodë Gjergji, me rastin e 20-Vjetorit të
Misionit Katolik Shqiptar Gjatë meshës shejte
Të dashur vëllezer dhe motra, të dashur bashkatdhetarë!
Si shumë popuj të botës, ashtu edhe populli ynë,
është përballur me pamundësinë e realizimit të
nevojave të veta dhe të familjes në vendlindje. Për
të gjetur një vendbanim më të përshtatshem për
jetë, një punë më të palodhëshme e me shumë fitim
dhe për t'ju mundësuar një jetë më të mirë
pasardhësve; njerezit kanë zgjedhe të lënë
vendlindjet e tyre dhe të nisen drejtë vendeve të
panjohura. Përvoja biblike na tregon se Zoti i përcjell
të bijtë e vet kudo që janë dhe i udhëzon ata për të
jetuar në kërkim të më të mirës, me të përkryeres
dhe më të dobishmes për të jetuar mirë mbi tokë.
Dimë si Zoti e dërgon Abrahamin në tokat pjellore
dhe kullotat e bollshme për të dhe familjen e tij
(Krh. Zan 13,14). Pas thatësires shtatëvjeçare dhe
zisë së bukës, Jakobi i nisë të bijtë e vet në Egjipt;
"Shkoni e na blini sa na duhet që të mbetemi gjallë
e të mos vdesim urie" ( Zan 42,1 b). Moisiu u prinë
Izraeliteve për të nxjerrë nga robëria e për t'i
dërguar në tokën e premtuar; edhe Jozefi e Maria
emigronin për të shpëtuar foshnjen e tyre.
Nga gjithë përvoja biblike shohim që Zoti i përcjellë të bijtë e vet gjatë udhëtimit të
tyre mbi botë në gjitha situatat e jetës, sidomos në ecjen e tyre, për të siguruar jetë
më të mirë për pasardhësit, për të shpëtuar nga përndjeksit dhe për t'u liruar nga
dhuna e sunduesve; gjithë kjo, simbolizon udhëtimin tonë drejt amshimit dhe drejtë
përjetësisë, ku Zoti iu prinë të bijëve te vet me dashuri.
Edhe në të kaluarën gjatë shekujve gjejmë raste të shumta të mergimit të individeve,
familjeve dhe fiseve, që i përngjajnë përvojës së popullit të zgjedhur dhe që kanë
përmasa biblike, si në dhembje, ashtu edhe në shpresë.
Kisha, si Nënë e dhimbëshme dhe plotë dashuri, ka përcjellë këtë përvojë të "bijëve
të saj", me kujdes amënor duke u përpjekë që të mbajë në zernrën e tyre shpresën e
pafikur për një të ardhme më të lumtur, fenë e gjallë në Zotin dhe dashurinë e
pazbehur për vendin, kulturën, traditën dhe gjuhën shqipe.
Nga gjysma e shekullit të kaluar, kemi një përvojë të re të mergimit të vëllezërve dhe
motrave tona, në vendet e ndryshme të Europës. Kisha e nxitur nga mësimi biblik dhe
nga përvoja e mëparshme, po edhe nga udhëzimet e Kishës së përgjithëshme,
sidomos nga Udhëzimi Apostolik "Erga migrantes caritas Christi" ("Dashuria e Krishtit
ndaj mërgimtarëve "), ka derguar meshtarët për të qenë pranë besimtarëve tanë.
Misionet tona dhe meshtarët që i kemi dërguar për t'ju shërbyer, kanë për qëllim t'ju
ndihmojnë që të kultivoni fenë, të ruani traditën, të promovoni vlerat kulturore pranë
popujve ku jetoni, të ruani dashurinë për vendin dhe Kishën tuaj dhe t'iu trashëgoni
ato pasardhësve tuaj.
Ju duke ruajtur pasuritë që keni marrë me veti nga vendlindja, duhet të jeni të hapur
dhe të gatshëm për të respektuar vlerat qytetruese, traditën dhe ligjet e vendit ku
www.famulliabinqes.com

jetoni. Përmes bashkëpunimit të mirë me Kishën vendore dhe institucionet tjera në
vendet ku jetoni, arrihet një integrim që gërsheton vlerat e përbashkëta dhe beheni
"shenjë" e dukshme e atij universalizmi që është element përberës i Kishës Katolike.
Jubileu i 20-të i Misionit në Luzern, është moment i mirë për mua si Bari i Kishës së
prejardhjes, që të shprehi falenderimet e mija për:
• Kishën vendore që Ju pranon me plot dashuri dhe ka të njejtin kujdes baritor si për
të gjithë besimtarët e tjerë që bartë në gjirin e saj.
• Për dy paraardhësit e mi, të cilët edhe pse ndienin mungesën e meshtarëve për
nevojat e Kishës në vend, megjithatë kujdesi për grigjën në Misione ishte prioritet
• Don Aleksander Kola, Misionari i parë në Zvicër, i cili me vështirësitë e fillimit dhe
mungesës së organizimit, me mund të veçantë bëri themelet e Misionit tonë në
Luzern, e me vonë, falë angazhimit të meshtarëve tjerë u hapën edhe Qendrat në
Sirnach e në Aarau.
• Falenderoj edhe të gjithë meshtarët që kanë shërbyer, ose vazhdojnë të shërbejnë
në gjitha Misionet tjera kudo që janë. Me këtë rast të festimit të 20 vjetorit të lindjes
së Misionit Katolik Shqiptar në Luzern, dëshiroj t'i shprehi falenderimet e mia dhe të
mbarë Kishës në Kosovë për kontributin që keni dhënë për nevojat e familjarëve tuaj,
për të mirën e Kishës dhe për lirinë e Kombit. Sidomos jam mirënjohës për
zemërgjerësinë tuaj që keni dëshmuar viteve të fundit, me kontributet tuaja për
ndërtimin e Katedralës Nënë Tereza në Prishtinë.
Zoti, me ndihmën e Tij e bekimin e vet u shpërbleftë të gjithëve për çdo gjest
dashurie. Ju siguroj që unë si Bari i kishës së origjinës, po edhe pasardhësit tim, do të
kujdesemi për ju me plot dashuri dhe do të angazhojnë meshtarë që të janë pranë
jush duke ju shërbyer me të njëjtin kujdes.
Nga ju pres që të trashëgoni këtë dashuri tuaj për "Athme dhe fe" tek pasardhësit
tuaj.
Urime 20-Vjetori i themelimit të Misionit në Luzern!
Paqja dhe bekimi i Zotit u përcjelltë edhe në të ardhmen! Ipeshkvi Juaj Dodë
Gjergji
www.famulliabinqes.com