годишен извештај 2011 - Царинска управа на Република ...

КОНТРОЛА НА ПРИМЕНАТА НА ЗАКОНИТЕ
Во јануари 2011 година Царинската управа донесе Упатство за верификација на
докази за потекло со кое се уредува постапката за верификација на доказите за
преференцијално потекло на стоката, издадени во согласност со договорите за
слободна трговија кои Република Македонија ги има склучено со земјите членки на
ЕУ, ЕФТА и ЦЕФТА, како и со Турција и Украина. Во јуни 2011 година, Царинската
управа донесе и Упатство за постапување при откривање на двојни фактури, со кое
се уредува начинот на постапување при откривање на двојни фактури при контрола
на стоки, поштенски пратки и товарни моторни возила. Во март 2011 година,
Царинската управа донесе Упатство за подготовка и поднесување на кривична
пријава, со кое се уредува начинот на подготвување, изработка и поднесување на
кривична пријава за кривични дела од областа на обичниот и организираниот
криминал и корупција. Во февруари 2011 година е дополнето Упатството за
дополнителна проверка на документи за утврдување на царинска вредност.
Во 2011 година Владата на Република Македонија формираше Координативно тело за
надзор на пазарот. Во овој контекст, во јуни Царинската управа донесе Упатство за
примена на Законот за надзор на пазарот (ревидирано во јули, август, септември и
ноември 2011 година), со кое се уредуваат предметот, надлежностите и постапките
при вршењето царинска контрола согласно Законот за надзор на пазарот од аспект на
квалитетот и безбедноста на производите кои се внесуваат на пазарот во Република
Македонија.
Во рамки на Проектот за натамошен развој на царинската служба, финансиран од ЕУ
во рамки на ИПА 2007, Царинската управа обезбеди специјални детектори за
откривање наркотици и експлозивни материи. Во декември 2011 година,
Царинската управа донесе Упатство за работа со електронски детектори за
наркотици и експлозив, со кое се уредува организацијата на работа, начинот на
поставување, користењето и чувањето на електронските детектори за наркотици и
експлозив. Истовремено, Царинската управа донесе ново Упатство за работа со
патролни моторни чамци во Царинската управа и Прирачник за работа со
моторен чамец, со кои се уредува организацијата и работата со патролните чамци,
поставувањето, користењето и чувањето на опремата за работа, како и обуката на
царинските службеници на кои им е доделено да ракуваат со нив.
Во февруари 2011 година Царинската управа воведе Електронски дневник за
дневните активности на Одделението за координација и комуникација – ОКК, а
истото е уредено со изменување и дополнување на Упатството за работа на ОКК
(целосно усогласено со Законот за заштита на лични податоци). Основна задача на
ОКК е прием на информации, првична анализа, проценка и нивно
процесирање, давање логистичка подршка на царинските работници на терен и во
царинските испостави, управување со CCTV 15 , ANPR 16 , системот за следење на
службените возила на Царинската управа (GPS), администрирање на отворената
15 Closed Circuit Television (телевизија од затворен тип)
16 Automated Number Plates Recognition
Царинска управа на Република Македонија 36