годишен извештај 2011 - Царинска управа на Република ...

РЕГУЛАТОРНА РАМКА
Во текот на 2001 година се донесени измени и дополнувања во повеќе закони и
подзаконски акти чија примена е во надлежност на Царинската управа, меѓу кои
Царинскиот закон, Законот за акцизи и Законот за царински мерки за заштита на
права од интелектуална сопственост. Измените и дополнувањата се насочени кон
усогласување со законодавството на ЕУ, поедноставување и олеснување на
постапките и намалување на увозните давачки.
Во 2011 година донесени се измени и дополнувања на Царинскиот закон
(„Сл.весник на РМ“ бр.44/2011 и бр.53/2011) кои пред сè имаат за цел натамошно
усогласување со царинското законодавство на ЕУ, како и создавање на правна рамка
за нови олеснувања на економските оператори во царинското работење. Имено, со
овие измени и дополнувања се воведени следните новини:
- Во областа на транзитот воведена е можност за пропишување на задолжителна
употреба на електронска царинска декларација, како и на влезна и излезна
збирна царинска декларација со можност за информирање пред пристигнување и
пред заминување на стоката во и од царинското подрачје на државата (што
овозможува забрзување на царинската постапка преку вршење на претходна
основна анализа на ризик и селективност, пред ставањето на стоката во царинска
постапка);
- Во областа на царинскиот долг воведени се нови видови инструменти за
обезбедување, како што се на пример: државни обврзници, девизни депозити и
гаранции, хипотеки, акции, при должна проценка на кредитниот ризик, а
воведена е и можност за плаќање на царинскиот долг на рати;
- Извршени се дополнителни усогласувања со законодавството на ЕУ во врска со
ослободувањето од плаќање на увозни давачки за пратки со мала вредност, како и
во врска со начинот и постапката за внесување на царинскиот долг во
сметководствената евиденција;
- Извршено е усогласување со Законот за општа управна постапка и Законот за
управна инспекција, при што се утврдени роковите за постапување на царинскиот
орган по барањата на царинските обврзници и се воведени санкции за царинскиот
орган за непридржувањето кон роковите.
Согласно измените на Царинскиот закон, во август 2011 година министерот за
финансии донесе Правилник за поблиските критериуми за застапување во
царинските постапки и лиценци за вршење на застапување („Сл.весник на РМ“
бр.107/2011), со кој се пропишува начинот и постапката за полагање на стручниот
испит за лиценцирани застапници, како и правната форма на одобренијата и
лиценците за царинско застапување.
Со цел намалување на трошоците на превозниците и усогласување со стандардите на
ЕУ, во август 2011 министерот за финансии донесе измени и дополнувања на
Правилникот за надоместоци за услуги и закупнина на деловен и
рекламен простор на граничните премини за патен сообраќај што ги наплатува
Царинската управа, со кои се укинува надоместокот за престој на царински
терминал за времетраењето на царинската постапка.
Царинска управа на Република Македонија 3