годишен извештај 2011 - Царинска управа на Република ...

ЕУ ИНТЕГРАЦИЈА
Основни услови кои Република Македонија мора да ги обезбеди за да може да
започне постапка за пристапување кон заедничкиот транзитен систем, како и за
членство во ЕУ, се хармонизирање на националното со царинско законодавство на ЕУ
и поврзување со царинските информатички системи на ЕУ.
Усогласување на царинското законодавство
По низа измени и дополнувања на релевантните закони и подзаконски акти од
областа на царината во претходните години, во април 2011 година се донесени
последните измени и дополнувања на националното законодавство насочено кон
усогласување со царинското законодавство на ЕУ (опишано во претходното поглавје),
подготвени во соработка со консултанти од ЕУ финансирани во рамки на IPA 2007
фондовите на ЕУ. Имено, во февруари беа финализирани активностите од „Проектот
за натамошно усогласување на националното царинско законодавство со
законодавството на ЕУ“ финансиран во рамки на Програмата IPA 2007. Во рамките на
проектот, беше извршена анализа на отстапувањата на националното царинското
законодавство и царинските постапки на ЕУ, подготовени се измени и дополнувања
на текстови на правни акти, а изработени
се и интерни упатства. Организирани се и
соодветни обуки за царинските
службеници, претставниците на
државните инсититуции и стопанските
субјекти. Со проектот беа поддржани
подготвителните активности за
воспоставување на новиот електронски
систем за обработка на царински
декларации и активностите на подготовка
на законодавството и постапките со кои се
регулира транзитот.
Во овој период заврши и
имплементацијата на „Проектот за
зајакнување на граничните контроли“,
финансиран во рамки на Програмата
IPA 2007. Проектот имаше за цел
засилување на капацитетите на
Царинската управа за справување со
царински измами, прекуграничниот
криминал, корупцијата и нелегалната
трговија.
Поврзување со царински информатички системи на ЕУ
ЕУ претставува единствена царинска унија со заедничка регулатива во областа на
царината и транзитот. Покрај обезбедување компатибилност на националното со
законодавството на ЕУ во оваа област, за членство во ЕУ, како и за пристапување кон
Конвенцијата за заеднички транзит, неопходно е да се обезбеди интерконекција и
интероперабилност на националните со царинските информатички системи на ЕУ
(што пред сè се однесува на Новиот компјутеризиран транзитен систем на ЕУ – NCTS 2 ,
заедничката комуникациска мрежа и зедничкиот системски интерфејс на ЕУ –
CCN/CSI 3 , Единствениот тарифен амбиент на ЕУ – ITE 4 , извозниот контролен систем –
2 New Computerized Transit System
3 Common Communication Network/Common System Interface
4 Integrated Tariff Environment
Царинска управа на Република Македонија 6