6-7 2012 - CAWater-Info
6-7 2012 - CAWater-Info
6-7 2012 - CAWater-Info
Create successful ePaper yourself
Turn your PDF publications into a flip-book with our unique Google optimized e-Paper software.
Қара Ертіс<br />
Қара Ертіс, саған қайранмын<br />
қайрылып артқа қарамай,<br />
қақтығып келіп қарадай,<br />
қаймығу білмес баладай,<br />
қойып бір кеттің Зайсанға<br />
қоңырқай тартқан қоладай.<br />
Ұлықбек Есдәулет<br />
ақын, Мемлекеттік<br />
сыйлықтың иегері<br />
Қойып бір кетіп жайландың,<br />
қоғаға келіп байландың,<br />
қобалжып барып ойландың,<br />
қаһарың қашып, қайғы алдың,<br />
Қара Ертіс, саған қайранмын!<br />
Қарғын боп кейде тасасың,<br />
қабақтан қарғып асасың,<br />
қанаңа сыймай қашасың,<br />
қан менен суды қосасың,<br />
құтырып кеткен бақсыдай<br />
құдайдың ұстап асасын!<br />
Қара Ертіс, менің қақпамсың,<br />
құтпан боп құйып жатқансың,<br />
көз жасы боп та аққансың,<br />
қайғы боп қыста қатқансың,<br />
қамкөңіл, қамсау қазақты<br />
қапысыз қалай тапқансың<br />
Қара Ертіс, маған ай-күнсің,<br />
қарқара толқын айбынсың,<br />
қазаққа қызыр айдынсың,<br />
қай күні бізден айнырсың,<br />
қай күні теріс ағар деп,<br />
қан жұтқан менің қайғымсың!.<br />
Қара Ертіс – қара қайғымсың!