ВОДИЧ НИЗ СТУДИИТЕ - Почетна - Универзитет „Св. Кирил и ...

Факултетот за ветеринарна медицина - Скопје врши наставнообразовна,
научно-истражувачка и апликативна дејност од областа
наветеринарната медицина и ветеринарното јавно здравство.
Мисија на ФВМ се остварува преку организирање студии,
пренесување на знаења, развој и промоција на образованието и
науката во ветеринарното здравство во РМ, развој на креативните
способности, подготвување на студентите за занимањето доктор по
ветеринарна медицина за кое е потребно стручно знаење и
способност за научен пристап во работата, поттикнување на
технолошкиот развој во ветеринарството и градење позиции за
иднината.
Покрај грижата за здравјето на животните, ветеринарната
дејност игра значителна улога и во јавното здравство и тоа преку
обезбедување здрава и квалитетна храна од анимално и растително
потекло. Ветеринарите, со својата незаменлива улога во
производството и прометот на храната ја поттикнуваат довербата на
потрошувачите како и успешноста на сточарското производство.
Големата важност на ветеринарната професија која се темели на
квалитетната едукација е докажана и со истражувањата спроведени
во склоп на проектот VET 2020 (Socrates Thematic Network Project).
Во својата апликативна дејност, ФВМ исто така е фокусиран и
кон имплементација и одржување на стандардите ISO 9001:2000 и ISO
17025 со цел услугите за задоволување на барањата на клиентите да
бидат на значително повисоко професионално ниво.
Остварувањето на наставно-образовната мисија на
Факултетот се одвива преку организирање на интегрирани студии од
прв и втор циклус, како и студии од трет циклус (докторски студии) со
стекнување научни степени доктор по ветеринарна медицина и доктор
на науки од подрачјето на ветеринарната медицина.
Методите на работа преку кои се остварува политиката на
Факултетот се:
Тимска работа на повеќе наставно-научни кадри од посебен
профил, зависно од природата на проблемот што е предмет на
анализа, третман и решавање
Примена на амбулантски и болнички пристап во лекувањето,
со согледување на причините и последиците за настапување
на промените, со градење и предлагање мерки за нивно
отстранување, ублажување и спречување на пропратни
компликации
26