sentro 2015

SENTRO
HUNYO-DISYEMBRE, 2015
14 PANITIKAN
KALAYAAN ELEMENTARY SCHOOL, PASAY CITY METRO MANILA
* MGA HAIKU *
NGITI
NI: SHERRY ANN ALCOREZA, VI-1
Hatid nya‘y tuwa
Panlaban sa pighati
Sa mundong imbi.
BAGYO
NI: SHERRY ANN ALCOREZA, VI-1
Di mapigilan..
Lubos kung sumagasa
Baha ang dulot.
PUNO
NI: SHERRY ANN A.LCOREZA, VI-1
Tikas ng tayo,
Lilim ang hatid sa‘tin
Kaya ingatan.
PASLIT
NI: ANGEL JANNA ARUCAN , VI-1
Maraming mga bagay,
Na sadyang lumalatay,
Isip ko‘y walang malay,
Sa hiwaga ng buhay.
* MGA TANAGA*
PANANAMPALATAYA
NI: ANGEL JANNA ARUCAN , VI-1
Ang taong bukas-palad
Ay madaling umunlad
Kamay ay nakalahad
Sa biyaya Niyang gawad
ULING
NI: ANGEL JANNA ARUCAN, VI-1
Putol-putol na ugat,
Sa dibdib nitong gubat,
Ay nakikipag-usap,
Sa nag-iwi ng tabak.
KALIKASAN
NI ERL RAPHAEL LIMPIADA
Kalikasan,
Ika’y isang magandang biyaya
Sa buhay naming aba.
Kayamanan,
Tulad ng lupa, puno at lawa
Hatid mo sa amin.
Kasakiman,
Ang sukli namin sa’yong biyaya,
Sinira ang lahat.
Pagkawasak,
Buhay at ari-arian man,
Wala kaming ligtas.
Bukas sana,
Matuto na kaming magpahalaga
Sa’yo kalikasan.
Sa Aking mga Magulang
NI ALYANNA JUAN
Kayo ang dahilan kaya ako’y may buhay
Ako ay lumaki sa inyong pagkalinga,
Pag-ibig sa aki’y wagas, totoo’t dakila,
Ang siyang nagbigay ng lakas ko’t sigla
Hinubog ang aking diwa’t pagkatao,
Kasama ko kayo sa ligaya ko’t luha.
Ubod ng laki ang sakripisyo nyo sa akin,
Simula nang ako’y mamulat sa mundo,
Kaya naman ako’y bumuo ng pangako
Utos nyo’t hiling aking susundin,
Respeto’t paggalang handog ko sa inyo
At mamahalin ng buong puso!