Create successful ePaper yourself
Turn your PDF publications into a flip-book with our unique Google optimized e-Paper software.
që diaspora shqiptare është pjesa<br />
tjetër e shpirtit të copëtuar shqiptar<br />
në shekuj.<br />
-Nëse mund të na tregonit ndonjë<br />
moment të bukur, pse jo dhe të<br />
sikletshëm nga gjithë ky aktivitet<br />
që mblodhi si rrallëherë rreth 1<br />
mijë personalitete të njohura në<br />
mbarë botën?<br />
I gjithë zhvillimi i Samitit të parë të<br />
diasporës ka qenë një moment i<br />
bukur për të gjithë ata që kanë kontribuar<br />
në zhvillimin e tij si një çast<br />
i paharrueshëm gjatë punës së<br />
tyre ashtu si edhe për diasporën,<br />
e cila për herë të parë ka përjetuar<br />
një “përkujdesje” të tillë nga shteti<br />
shqiptar. Nëse duhet të veçojmë<br />
diçka më shumë se të tjerat,<br />
ndoshta kjo mund të jetë mbrëmja<br />
Gala e Samitit që përmbyllte dhe<br />
punimet e këtij eventi.<br />
Gjatë mbrëmjes gala, midis të<br />
tjerash, u shpërndanë 15 çmime<br />
“Shqiponja e Artë” për disa prej<br />
shoqatave dhe personaliteteve të<br />
spikatura të diasporës shqiptare,<br />
si një vlerësimin i punës së tyre të<br />
çmuar në vendet e pritjes, si dhe<br />
për shtetin dhe kombin shqiptar.<br />
Kjo mbrëmje ishte e mbushur me<br />
momente emocionale, pasi janë<br />
këto personazhe që me përulje<br />
dhe pa zhurmë kanë dhënë edhe<br />
më shumë se nga çfarë shteti amë<br />
mund të kërkonte nga ata.<br />
Nga ana tjetër, momenti më i<br />
sikletshëm, por në një farë mënyre<br />
shumë i këndshëm ishte ankthi<br />
pikërisht për të sistemuar këtë det<br />
njerëzor, të cilët nga të gjitha anët<br />
e botës kishin ardhur në Tiranë për<br />
të ndjekur këtë aktivitet historik dhe<br />
për të thënë fjalën e tyre. Përfundimi<br />
i samitit mundi të “shuajë” dhe<br />
këtë shqetësim, pasi komentet e<br />
pjesëmarrësve ishin një “shpërblim”<br />
për punën madhore gjatë<br />
organizimit të një aktiviteti me këto<br />
përmasa.<br />
-A u arritën objektivat që qeveria<br />
shqiptare kishte parashikuar të<br />
përmbushte me këtë samit të<br />
parë në Shqipëri?<br />
Synimi i organizimit të Samitit të<br />
Parë të Diasporës ishte krijimi i një<br />
ure bashkëpunimi, komunikimi e<br />
ndërveprimi, në të mirë të ruajtjes<br />
dhe forcimit të lidhjeve mes diasporës<br />
dhe atdheut, si edhe mes<br />
komuniteteve të veçanta, në vende<br />
e kontinente të ndryshme. Ky synim<br />
u arrit duke krijuar pikësëpari një<br />
database dhe hartëzim të shqiptarëve<br />
në botë dhe duke sjellë në<br />
Tiranë një pjesë të rëndësishme<br />
prej tyre. Ky “kuvend” i shqiptarëve<br />
nuk përfundon me kaq, pasi ky<br />
samit pritet të bëhet traditë ndërsa<br />
së shpejti do të kemi edhe institucionalizimin<br />
e tij.<br />
Më konkretisht, objektivi afatgjatë i<br />
organizimit të samitit është krijimi<br />
i një marrëdhënieje të re dhe<br />
ndërvepruese, për të ndërtuar një<br />
bashkëpunim të qëndrueshëm,<br />
përmes zhvillimit të një dialogu të<br />
vazhdueshëm e të strukturuar dhe<br />
një bashkëpunimi të efektshëm<br />
të atdheut me diasporën, për të<br />
përparuar në përpjekjet e përbashkëta<br />
të materializuara në projekte<br />
konkrete në fushën e mbrojtjes dhe<br />
promovimit të gjuhës, kulturës dhe<br />
identitetit shqiptar, si dhe mbrojtjen<br />
e të drejtave të bashkësive shqiptare<br />
dhe interesave kombëtare. Në<br />
këtë kuadër, është propozuar krijimi<br />
i Këshillit të Diasporës Shqiptare, i<br />
cili do jetë organi kryesor përgjegjës<br />
për zhvillimin e kësaj marrëdhënieje<br />
dypalëshe me interes të<br />
përbashkët.<br />
-Cilat janë pritshmëritë tashmë<br />
nga shqiptarët e diasporës nga<br />
ky samit, flasim në drejtimin<br />
e bashkëpunimit në sektorin<br />
ekonomik apo dhe atë kulturor?<br />
Komunitetet shqiptare në botë,<br />
por edhe qeveria shqiptare synojnë<br />
që marrëdhënia e njëanshme<br />
deri më tani midis palëve të<br />
forcohet dhe të bëhet ndërvepruese,<br />
pasi ashtu siç shteti<br />
shqiptar ka pasur gjithnjë nevojë<br />
për kontributin e diasporës së<br />
vet, ashtu dhe diaspora shqiptare<br />
ka nevojë që shteti shqiptar të<br />
ndërhyjë në zgjedhjen e çështjeve,<br />
të cilat prekin shqiptarët<br />
anembanë botës. Siç u përmend<br />
dhe më lart, Këshilli i Diasporës<br />
Shqiptare është vetëm hapi i parë.<br />
Ky këshill do të drejtohet nga vetë<br />
Diaspora dhe do të ketë kompetenca<br />
të zgjeruara, për ta bërë atë<br />
efektive në dhënien e zgjidhjeve<br />
të problemeve të që shqiptarët<br />
hasin në vendet pritëse. Nga ana<br />
tjetër, për sa i përket asaj që vetë<br />
shteti shqiptar mund të bëjë në<br />
shërbim të nevojave të shtetasve<br />
të saj në botë, tashmë me krenari<br />
mund të themi se një nga premtimet<br />
më të madha të samitit, u<br />
kurorëzua me sukses me anë të<br />
aplikimit të Shërbimit Konsullor<br />
Online (SHKO), i cili sjell më afër<br />
shtetin shqiptar me qytetarët e tij<br />
me anë të ofrimit të shërbimeve<br />
konsullore, të cilat tashmë mund<br />
të bëhen me anë të këtij aplikimi<br />
për të shmangur humbjen e kohës<br />
dhe parave të qytetarëve, të cilët<br />
deri dje e kishin më të vështirë<br />
marrjen e këtyre shërbimeve.<br />
-Presidenti i Kosovës, z. Hashim<br />
Thaçi, gjatë fjalës së tij në një<br />
nga panelet që u diskutua la të<br />
hapur mundësinë që një samit<br />
i tillë të mbahet vitin tjetër në<br />
Kosovë. Ndonjë informacion më<br />
shumë për këtë nismë?<br />
Republika e Kosovës ka qenë një<br />
kontribuuese për organizimin e<br />
Samitit të parë të Diasporës dhe<br />
bashkëpunimi në këtë kuadër<br />
ka qenë i ngushtë dhe i frytshëm.<br />
Një nga elementet që na<br />
lidh me Kosovën është jo vetëm<br />
origjina jonë e njëjtë shqiptare,<br />
por edhe fakti që të dyja shtetet<br />
tona ndajnë një numër shumë të<br />
madh qytetarësh shqiptarë, të<br />
cilët jetojnë jashtë kufijve zyrtarë<br />
të dy shteteve tona vëllazërore.<br />
Në këtë linjë, ne jemi të gatshëm<br />
të bashkëpunojmë sërish në çdo<br />
formë dhe vendndodhje që do<br />
të përcaktohet në linjë me këtë<br />
frymë vëllazërore.<br />
PRANVERË 2017 <strong>VOTRA</strong> magazine.com 21