VOTRA_nr3_finale

Dëgjoja zërin e saj dhe shikoja
në anën tjetër të rrugës, një të
moshuar, me mjekër të thinjur
duke kënduar me kitarë. Ajo
melodi e lehtë që vinte nga
jashtë, vetëm se e shtonte mallin
për njerëzit e mi dhe vendin tim.
Pasi folëm për disa minuta, e
lamë të dëgjoheshim më vonë.
Dola nga kafeneja, shikova atë
plakun me kitarë në dorë dhe
vendosa të eci nëpër qytet me
mall plot në zemër dhe me dijen
që kjo ditë do të kalojë. Ishte
kafe e hidhur, pa sheqer, jo si
ato në vendin tim.
Jeta studentore në Qendrën
Françeskane në këtë
qytet, është e organizuar
mirë.
Në shikim të parë
e kisha të qartë se
kjo qendër ka një
traditë të gjatë për
të ndihmuar rininë
studentore, kuptohet
ata me buxhet më
modest. Kushtet e
këtushme i plotësojnë
standardet e nevojshme
që studentët
të ndihen mirë ,
sidomos ata që kanë
ardhur nga vise më të largëta
siç është rasti im. Ajo që është
e pëlqyeshme për të gjithë neve
është fakti, se në këto ambiente,
studentët mund të mësojnë dhe
të përgatiten duke mos penguar
njëri tjetrin.
Pothuajse ngjashëm sikur në
famije nën përkujdesjen e
stafit drejtues të kësaj qendre.
Mirëpo, ndarja nga familja për
herë të parë, është diçka që
përjetohet me mjaft emocione
dhe është e vështirë të kompensohet
mungesa e më të afërmve
por edhe kjo është dukuri me
të cilën duhet përballur në
rrugëtimin e shkollimit.
Vlerësoj se është edhe e dobishme
përvoja që marrim
sepse duhet interesuar për ushqim,
për pastrimin e dhomës
dhe për të tjera gjëra nga jeta e
përditshme studentore.
Sidomos ditët e para janë mjaft
të lodhshme në një ambient
të ri, sepse ndryshojnë nga
hapësira që kisha lënë në vendbanimin
tim, në Malësi. Andaj,
edhe vet përshkrimi i kësaj
gjendje, domosdo, shkakton
emocione të veçanta.
Universiteti i Sarajevës është
një qendër e madhe universitare,
me traditë të gjatë e të
trashëguar nga ish Jugosllavia
në kryeqytetin e Bosnjë Hercegovinës.
Sarajeva është një qytet i bukur
me përmbajtje të shumta për
qytetarët e të gjitha moshave,
në veçanti për të rinjtë. Banorët
vendas janë mikpritës dhe të
dashur dhe u krijon mundësinë
të huajve të ndihen mirë, sikur
në shtëpinë e tyre.
Në takimet tona të përditshme
me kolegë dhe miq, ata bëhen
kureshtarë dhe duan të mësojnë
sa më shumë për vendet nga
vijmë, për shkollimin e mëparshëm,
për kulturën dhe mënyrën
e jetesës.
Çdo takim me banorët vendas
është një përvojë më tepër për
të gjithë ne që vijmë nga jashtë
me shpresën se do t’ia arrijmë
qëllimit dhe do të realizojmë
me sukses dëshirën dhe planet
tona në rrugën e arsimimit të
lartë.
Mënyra e jetesës është përafërsisht
e ngjashme me vendet
tjera të rajonit. Madje edhe
çmimet janë diku të afërta pa
ndonjë dallim të theksuar. Edhe
mentaliteti i masës së gjerë
është i ngjashëm, dhe kjo e
ndihmon individin të përshtatet
sa më lehtë.
Njerëzit janë të gatshëm të
ndihmojnë, të këshillojnë dhe
të qendrojnë pranë,
duke ia lehtësuar një
të ardhuri nga jashtë,
të përditshmen në
këto hapësira.
Ne, studentët nga
Malësia e madhe,
në Mal të Zi, ju jemi
mirënjohës të gjithë
atyre bashkëvendasve
tonë nga SHBA,
sidomos shoqatave
Malësia e Madhe nga
Nju Jorku dhe nga
Detroiti, të cilët na
kanë ndihmuar materialisht në
shkollimin tonë të deritanishëm
për gjenerata të shumta studentore.
Shpresoj se sakrificat e shumta
të familjes dhe të afërmve tanë
do ti shpërblejmë me suksese
a më të mira në shkollim dhe në
punët tona të ardhshme profesionale
në dobi të shoqërisë.
(Autori studion Marrëdhënie
ndërkombëtare dhe diplomaci
(master), Universiteti i Sarajevës)
66 VOTRA magazine.com
PRANVERË 2017