SPORTSMAN-121small

S P O R T S M A N
“Algeria International
2019”da gümüş medal
Bundan əvvəl isə Azərbaycan
badmintonçusu Edi
Reski Dviçayo Əlcəzairdə keçirilən
“Algeria International
2019” turnirində gümüş medal
qazanıb.
Yarışın reytinq favoritlərindən
sayılan badmintonçumuz
1/16 finalda hindistanlı
Anant Şivam Jindalı 2:0 hesabı
ilə məğlub edib. Dviçayo
növbəti mərhələdə yerli
idmançı Yosef Sabri Medel
üzərində 2:0 hesablı qələbə
qazanmaqla 1/4 finala yüksəlib.
Bu mərhələdə Türkiyə
təmsilçisi Emre Laleni 2:1
hesabı ilə üstələyən təmsilçimiz
yarımfinalda Mavriki
badmintonçusu Corcs Julyen
Paulu mübarizədən kənarlaşdırıb -
2:0. Badmintonçumuz finalda turnirin
əsas reytinq favoriti, Bakıda keçirilən
ilk Avropa oyunlarının qalibi ispan
Pablo Abiana 0:2 hesabı ilə uduzub.
“International Series” kateqoriyalı
yarışı ikinci sırada başa vuran Edi
hesabına 2130 reytinq xalı yazdırıb.
Digər badmintonçumuz Ezmi
Qovimuramadhoninin onaltıdabir finalda
rəqibi yarışa qatılmadığından
təmsilçimiz mübarizəyə səkkizdəbir
finaldan qoşulub. Təmsilçimiz bu
badmиnton
mərhələdə Fransa təmsilçisi, bir çox
“International” seriyalı yarışların qalibi
Leo Rossiyə 0:2 hesabı ilə məğlub
olub.
“Egypt International
2019”da qızıl medal
Edi Reski Dviçayo Misirin paytaxtı
Qahirə şəhərində keçirilən “International
Series” kateqoriyalı “Egypt
International 2019” turnirində isə
2500 reytinq xalı qazanıb.
Edi kişi badmintonçuların şəxsi
yarışında 1/16 finalda portuqaliyalı
Duarte Nuno Anje üzərində
2:0 hesablı qələbə qazanıb.
Təmsilçimiz növbəti görüşündə
hindistanlı Druv Ravatı 2:0 hesabı
ilə məğlub edərək 1/4 finala
yüksəlib. Qələbə seriyasını
bu mərhələdə də davam etdirən
Dviçayo belçikalı rəqibi Maksim
Morelsi 2:0 hesabı ilə üstələyib.
Badmintonçumuz yarımfinalda
Şri-Lanka təmsilçisi Niluka Karunaratne
ilə qarşılaşıb. İlk setin
gedişində ayağı burxulan Niluka,
görüşü yarıda dayandırmaq
məcburiyyətində qalıb.
Ötən il turnirin qalibi olan idmançımız
əbəs yerə turnirin əsas
reytinq favoriti olmadığını final
görüşündə də nümayiş etdirib.
Həlledici görüşdə Çex Respublikasının
badmintonçusu Milan
Ludiki 2:0 hesabı ilə məğlub
edən Edi “Egypt International 2019”
turnirinin qızıl medalını qazanıb. O,
yarışın qalibi olmaqla yanaşı, reytinq
ehtiyatını da zənginləşdirib. Badmintonçumuz
hesabına 2500 reytinq xalı
yazdırıb.
Badmintonçularımızın yarışlarda
Gənclər və İdman Nazirliyinin dəstəyi
ilə iştirak etdiklərini də bildirək.
Komandamız Fransada Avropa
çempionatında çıxış edəcək
Badmintondan söz düşmüşkən,
kişilərdən ibarət Azərbaycan yığması
2020-ci il fevralın 11-16-da Fransanın
Lyeven şəhərində keçiriləcək
komandalararası Avropa çempionatında
iştirak edəcək.
Yarışda ölkəmizi təmsil edəcək
idmançıların adları fevralın 3-dək
açıqlanacaq. Komandamızın qrup
mərhələsində rəqibləri dekabrın 3-də
keçiriləcək püşkatmada məlum olacaq.
Qrup mərhələsinin görüşləri fevralın
11-13-də, dörddəbir, yarımfinal
və final qarşılaşmaları isə 14-16-da
oynanılacaq.
Qruplarda müvafiq olaraq 3, 4
və ya 5 komanda yer ala bilər. Komandaların
qrupdakı sayından asılı
olmayaraq, pley-offa ilk iki yerin sahibi
yüksələcək. Oyunların formatı 3
şəxsi və 2 qoşa görüşlərdən ibarət
спортсман № 121 / 2019
13