SPORTSMAN-121small

AMИФ
Məktəblər arasında
respublika çempionatı
S P O R T S M A N
Azərbaycan Respublikası
Gənclər və İdman Nazirliyi,
Təhsil Nazirliyi, Milli Olimpiya
Komitəsi və Azərbaycan
Məktəb İdmanları Federasiyası
ilə birgə keçirilən
məktəblər arasında şahmat,
voleybol (qızlar), basketbol
(oğlanlar), stolüstü tennis
və atletika idman növləri
üzrə respublika çempionatının
rayondaxili mərhələsi
yekunlaşıb.
Ölkə üzrə 2515 ümumi təhsil
müəssisəsinin qatıldığı rayondaxili
mərhələdə 50 mindən artıq məktəbli
iştirak edir. Yarışlara basketbol idman
növü üzrə 1436, voleybol üzrə
1415, atletika üzrə 2338, şahmat
üzrə 996 və stolüstü tennis üzrə 778
məktəb qoşulub.
Rayondaxili mərhələnin nəticələrinə
uyğun olaraq hər idman növü
üzrə zona mərhələsinə vəsiqə qazanan
məktəblər müəyyən edilib.
Çempionatın zona mərhələsinə
2020-ci ilin aprel ayında start veriləcək.
Zona mərhələsində hər idman
növü üzrə 76 məktəb komandası
olmaqla 3000-nə yaxın məktəbli mükafatlar
uğrunda mübarizəyə qoşulacaq.
Nəticələrə uyğun olaraq hər
idman növü üzrə I-II yeri tutan məktəb
komandaları final mərhələsinə
vəsiqə qazanmış olacaq.
Zona mərhələsi başlayana qədər
idman növləri üzrə baş hakimlər
tərəfindən zona mərhələsinə vəsiqə
qazanan məktəb komandaları arasında
yoldaşlıq görüşləri və ustad
dərsləri təşkil ediləcək.
Qeyd edək ki, 2019-2020-ci tədris
ili ərzində keçiriləcək yarışlarda
Təhsil Nazirliyinin tabeliyindəki bütün
ümumi təhsil müəssisələrinin şagirdləri
şahmat (II-IV siniflər), atletika
(V-VII siniflər), voleybol (qızlar, VII-
IX siniflər), basketbol (oğlanlar, IX-X
siniflər) və stolüstü tennis (oğlanlar,
IX-X siniflər) idman növləri üzrə iştirak
edəcəklər.
40
спортсман № 121 / 2019