SPORTSMAN-121small

ТЯГДИМАТ
S P O R T S M A N
İdmanda şüurlu tədris
Bu yaxınlarda oxucularımızın,
idmançılarımızın və idman
ictimaiyyətinin yaxşı tanıdığı
Kazım Əliyevin “İdmanda
şüurlu tədris” adlı yeni kitabı
nəşrdən çıxıb.Kitabla yaxından
tanış olmaq üçün Kazım müəllimi
redaksiyamıza dəvət etdik.
- Kazım müəllim, Sizi yeni nəşrdən
çıxmış kitabınızın işıq üzü
görməsi münasibəti ilə təbrik edir,
idman ictimaiyyətinə töhfə etdiyiniz
bu dərsliyə görə isə təşəkkür
edirəm. Bu Sizin sayca neçənci
kitabınızdır?
Təbrikə və təşəkkürə görə sağ
olun. Azərbaycan artıq dünyada idman
ölkəsi kimi də tanınıb. Hörmətli
Prezidentimiz cənab İlham Əliyevin
“Elmsiz idmanın gələcəyi yoxdur!”-
çağırışı isə mənə xüsusi stimul verir.
İdman dünyada sürətlə inkişaf edir.
Bu sürətlə ayaqlaşmaq üçün fiziki
hazırlıqla yanaşı tədrisi də dünyəvi
tələblər səviyyəsinə yüksəltməliyik.
O ki qaldı mənim kitablarıma, bu
günə qədər mənim üç kitabım işıq
üzü görüb. 2008-ci ildə “İdmançının
qələbə psixologiyası”, 2014-cü ildə
“Məşqçinin stolüstü kitabı”, 2019-
cu ildə isə “İdmanda şüurlu tədris”
kitabını idman dünyamıza təqdim
etmişəm. Eləcə də DVD formatda
“İdmanda ümumi psixoloji hazırlıq”,
“İdmanda qeyri ənənəvi tədris”,
“Məşqçinin həftəlik dərs planı”, “İdmanda
qeyri-ənənəvi xüsusi hazırlıq”,
“İdmanda şüurlu tədris” seminar
dərs planını hazırlayaraq, idman ictimaiyyətinə
təqdim etmişəm.
- Yeni kitabın cildi çox maraqlı
alınıb...
- Bəli-bəli. Kitabın üz səhifəsində
olan sual, nida və iki nöqtə işarəsi
insanda şüurluluğu yaradan simvolik
işarələrdir. Kitabda tədris zamanı
müəllim sualı, cavabı isə idmançı
verir ki, bununla da idmançıda həm
də şüur inkişaf etdirilir. Məşqlərdə
idmançının məşqçinin suallarına aktiv
olaraq cavab verməsi isə onun
xüsusi və ümumi nəzəri hazırlığını
yüksəltmiş olur. İdmanda idmançının
gücü onun nəzəri biliyinin gücü qədər
olduğu bildirilir.
- Kazım müəllim, bir qədər yeni
kitabınız haqda danışaq...
- Kitabda idman tədrisinin şüurlu
olaraq idmançıya çatdırılmasının
insanlıq üçün nə qədər vacib bir
məsələ olduğu göstərilmişdir. Eləcə
də idmanın tək birincilikdən və sağlamlıqdan
ibarət olmadığı oxucuya
təqdim edilir. Kitabda idmanın milli
hissləri özündə yaşadan, insanın
mənəvi əxlaqı və iradi dəyərlərini
yüksəldərək nəsldən nəsllərə ötürən,
onu şəxsiyyət zirvəsinə yüksəldən
yeganə və əvəzsiz bir vasitə oıduğu
sübutlarla göstərilmişdir. Dərslik idmançılara,
idman mütəxəssislərinə,
eləcə də geniş oxucu auditoriyası
üçün nəzərdə tutulub.
Bu gün idman tədrisimiz müasir
dövrün tədrisindən çox dala qalıb.
Xarici ölkələrin birində idman tədrisində
belə bir eksperiment aparılmışdır.
İki eyni qüvvəyə malik olan
komanda yaradılmışdır. Komandanın
birinə məşqçinin tapşırığı şüurlu
tədris keçmək olub. Məşqçi - mənim
biliyim sizin olmalıdır çağırışıyla öz
işinə başlayıb. O, məşqini planla,
proqramla, nəzəri və praktik tədrislə,
idmançılara pedaqoji yanaşmayla,
sual cavabla, hər məşqin məqsədi
olmaqla, şəxsiyyətyönümlülük
prinsipləriylə məşqlərini keçib.
İkinçı məşqçi isə öz məşqini
mənim beynim hamımızın beynidir
çağırışıyla məşqinə başlayıb. O,
öz tədrisini göz yaddaşıyla tədris
edərək, əmrlərlə, səsiniz çıxmasın
nə göstərdim səssiz icra edin
deyərək, idmançılara qorxu və hədəylə
məşqini tədris edib. Müəyyən
vaxtdan sonra bu komandalar
arasında yarış keçirilib. Nəticədə
70% qələbəni şüurlu tədris keçən
komanda qazanıb.
36
спортсман № 121 / 2019