HYRJE NË PUNËN E REFERENCAVE - Biblioteka Kombëtare dhe ...

169
HYRJE NË PUNËN E REFERENCAVE
R.R. Bowker, 1995 e këtej, dy herë në vit. [Në Ulrich’s International
Periodicals Directory Online].
CD: 1995 e këtej, dy herë në vit, Çmimi ndryshon.
I shtypur: 1969 e këtej, dy herë në vit, 1.500 faqe. $185.
Kur bibliotekarët flasin për revistat, ata rëndom u referohen atyre si
pjesë e një familje më të madhe të serialeve. Një serial mund të definohet
në shumë mënyrë, por si më themelore është se ai është një publikim që
botohet në pjesë (p.sh. një revistë që del një herë në javë) për një periudhë
të pacaktuar (d.m.th. revistat do të botohen sa më gjatë që të jetë e
mundur; nuk ka datë të prerë). Serialet mund të ndahen në disa mënyrë,
për shembull: (1) serialet jo të rregullta: ka disa lloje të tyre, siç janë procesverbalet
e takimeve që mund të dalin në çdo të tretën apo të katërtën
e vitit. “jo të rregullta” i referohet faktit se nuk ka datë të prerë të botimit;
(2) të përkohshmet: (a) revistat, nga shkollore dhe shkencore deri te ato
profesionale; (b) magazinat e llojit që gjenden në kioske; dhe gazetat. Disa
nuk do t’i ndanin revistat dhe magazinat, kurse të tjerët do të ofronin
nënndarje të tjera ezoterike.
Ulrich’s International Periodicals Directory (Udhëzuesi ndërkombëtar i të
përkohshmeve i Ulrikes) është një udhëzues për të përkohshmet nga Shtetet
e Bashkuara dhe nga pika globale. 11 Ai del në pesë vëllime dhe përfshin
afro 250 000 tituj, përfshirë edhe 7 400 gazeta ditore dhe javore (në vëllimin
e pestë) të botuara në Shtetet e Bashkuara. Të përkohshmet janë të
renditura sipas titujve të 600 temave të mëdha dhe aty ka dhe një indeks
titujsh. Fjala “ndërkombëtar” është një indikacion i vërtetë i përmbajtjes,
pasi që 70 000 botues janë nga 200 vende.
Është jashtëzakonisht i lehtë të përdoret. Të themi, për shembull, se
duam të kërkojmë një të përkohshme nën temën e arkitekturës. Titulli
dhe informacioni themelor do të gjendet nga viti kur është botuar për
herë të parë, si dhe nga dendësia e botimeve (mujore, çerekshe etj.) dhe
çmimi. Aty është dhënë adresa e botuesit, si dhe emri i botuesit dhe
shpesh ka edhe indikacione të përmbajtjes në një rresht prej 10 a 20
11 Kjo rëndom referohet nga bibliotekarët e referencës si e “Ulrikes”, sipas emrit të
gruas që hartoi këtë udhëzues në rend të parë. Disa vepra të tjera themelore, jetëgjatë
të referencës quhen vetëm sipas emrit të autorit/hartuesit, p.sh. e Uebsterit, e
Bruerit, e Foulerit, e Cheimersit, e Piersit (një enciklopedi angleze), e Uisdenit, e
Debretit, e Bërkes, etj.