HYRJE NË PUNËN E REFERENCAVE - Biblioteka Kombëtare dhe ...

424
shkruar në një gjuhë relativisht teknike, janë dhënë simptomat dhe shenjat
dhe janë sugjeruar diagnozat dhe trajtimet. I plotësuar në çdo pesë
vjet, edicioni i shtatëmbëdhjetë i vitit 1999 përfshin tema të shumta të
reja që nga edicioni i gjashtëmbëdhjetë i vitit 1992: terapinë e medikamenteve
për më të moshuarit, problemet me ndërprerjen e pirjes së
duhanit, sindromën e lodhjes kronike etj.
Versioni në Internet, është më rëndësi të vihet në pah, mëton të jetë
më shumë se një reklamim i edicioneve të shtypura dhe në CD-ROM.
Manuali i Ueb-it është dy a më shumë vjet i vjetër dhe, ndonëse ende i
dobishëm, nuk është vendi më i mirë për të kërkuar informacion tjetër
pos atij të përgjithshëm.
Duke kërkuar një auditor më të gjerë, Merck botoi në vitin 1998, një
version të shkurtuar, të rishkruar, të manualit të rregullt, The Merck
Manual of Medical Information, Home Edition. Ky mbulon një pjesë të
materialit të njëjtë, si dhe vepra më e gjerë, por është shkurtuar për lexuesin
laik. Të 24 pjesët shqyrtojnë çdo problem të mundshëm dhe janë të
shkruara në terma që kuptohen lehtë. Një indeks i mirë dhe karakteristika
të tjera të shumta e bëjnë këtë një artikull të kërkuar në shumicën e
bibliotekave, ndonëse ai assesi nuk mund ta zëvendësojë origjinalin më të
detajuar të Merck Manual. (Gjendet në dispozicion edhe në CD-ROM,
nga McGraw-Hill për $40), por me animacion, audio dhe afro 1 800
shqiptime të termave mjekësore).
PDR
HYRJE NË PUNËN E REFERENCAVE
Vepra më e njohur dhe që më së shpeshti përdoret si vepër farmakologjike
në biblioteka është Physicians’ Desk Reference. Zakonisht kësaj vepre, njerëzit
i referohen shkurt si PDR. Kjo vepër ofron informacione për rreth 4 000
medikamente, sipas emrit të produktit dhe emrit të prodhuesit. Botuesi
thekson se “informacionet janë dhënë nga prodhuesit e vet këtyre medikamenteve”.
Në të njëjtën kohë, Administrata e Ushqimit dhe e
Medikamenteve ka aprovuar materialin e dërguar nga prodhuesit. Edhe
dikush që ka pak përvojë, mund lehtë ta kontrollojë përmbajtjen e këtij apo
atij medikamenti. (Indeksi i emrit kimik dhe atij të përgjithshëm është një
mjet mjaft i dobishëm kërkues). Për secilin medikament jepet kompozicioni
i tij, e po ashtu edhe të dhënat e tjera si p.sh. efektet anësore që mund të ketë
medikamenti, doza me të cilën duhet të përdoret. Një seksion i këtij libri
pasqyron më shumë se 1 000 fotografi, tabela dhe kapsula, me emrin ident