HYRJE NË PUNËN E REFERENCAVE - Biblioteka Kombëtare dhe ...

210
HYRJE NË PUNËN E REFERENCAVE
Niveli i tretë i kërkimit përdoret më shumë nga ekspertë. Këtu, sofistifikimi
dhe përvoja është kyç për sukses. Jo vetëm që përdoret logjika e
thjeshtë Booleane, por janë të mundshme edhe kualifikime të tjera nga
“nesting” e deri te kërkimi i një tipari fizik, siç është grafika apo ilustrimi,
si pjesë e artikullit të dëshiruar.
Vlen të theksohet: po këta hapa fillestarë apo të avancuar në kërkim
pasohen nga pothuajse të gjitha shërbimet e indeksimit Online. Disa janë
më të mirë. Shumica ndjekin mostrën Wilson të indeksimit.
Readers’ Guide 11
Readers’ Guide indekson dhe abstrakton 240 nga revistat më të popullarizuara
në Shtetet e Bashkuara dhe në Kanada, përfshirë edhe ‘Nju-Jork
Tajmsin’. Shumë prej tyre gjenden nëpër kiosqe dhe mund të blihen
përmes abonimit. Zgjedhja është e gjerë, që nga Consumer Reports deri te
Foreign Affairs dhe ky shërbim ofron një pjesë të veçantë për opinionin
publik në nivele të ndryshme lexuesish. Në formë të shtypur, Readers’
Guide është ruajtur që nga viti 1900, kurse versionet digjitale janë vetëm
nga viti 1984. Ky shërbim plotësohet çdo dy javë, krahasuar me
plotësimin javor në Internet dhe mujor në CD-ROM. Abstrakte të
shkëlqyera (me nga 50 deri në 150 fjalë gjatësi) dhe indeksim superior,
sidomos në përcaktimin e titujve të temave, shpjegojnë faktin pse shërbimi
Wilson konsiderohet kryesori nga shumë bibliotekarë.
The Readers’ Guide Abstracts Full Text (me $2.795) përfshin tekstin e
plotë të të përkohshmeve. Një mini-edicion (me $1.095) përfshin më pak
revista me tekst të plotë. Dhe, ka konfiguracione të tjera për lloje dhe
madhësi të ndryshme të bibliotekave, por rekomandohen vetëm Readers’
Guide Abstracts dhe mundësisht ato me tekst të plotë. Pa marrë parasysh
fushën e kërkimit, aty ofrohet një listë artikujsh, të cilët tregojnë se kanë,
të paktën, fjalët kyçe (temat etj.), që shënohen nga personi që bën
kërkimin. Qasja e shkurtër jep burimin dhe datën, si dhe titullin e artikullit.
Pastaj, duhet kërkuar artikullin e veçantë me një abstrakt të detajizuar
dhe me titujt përkatës të temës, që një kërkues këmbëngulës mund ta përdorë
për t’i gjetur pjesët përkatëse.
Tastet ‘tab’ japin informacion mbi ‘bibliotekat me njësinë’ apo ‘get/dis-
11 Që nga viti 1994, Readers’ Guide for Young People ka pasur qasje në Internet.
Është bërë për K-8 dhe për të ndihmuar fëmijët në zotërimin e indekseve elektronike
dhe të burimeve të tjera të referencës. Ky sajt përfshin revistat bazore, si dhe
biografitë, prezantimet e librave, si dhe vështrimet mbi muzikën dhe filmin. Disa nga
abstraktet dhe artikuj me tekst të plotë.