HYRJE NË PUNËN E REFERENCAVE - Biblioteka Kombëtare dhe ...

25
“kyç”, “kanunin” e vet. Në këtë tekst, nga 400 deri në 500 tituj konsiderohen
themelorë. Në skajin tjetër, në Distinguished Classics of Reference
Publishing (Feniks, AZ: Oryx Press, 1992), e cila kalon nga citime në
enciklopedi, Xhejms Rreting (James Retting) dhe bashkëpunëtorët e tij
pajtohen se ka të paktën 31 “vepra madhore të referencës”, të cilat duhet
të dijë secili që do ta meritojë emrin e bibliotekarit të referencës. Si një
rregull i pashkruar, fillestari duhet të njihet me titujt që janë shumë në
përdorim, nga bibliografia dhe indekset deri te enciklopeditë dhe
almanakët, që gjenden në çdo bibliotekë. Kjo do të thotë zotërim i 100
deri në 300 librave të referencës. Përtej këtyre gjendet universi i 15 mijë
e më shumë titujve.
Të gjitha veprat e mëdha të shtypura të referencës gjenden tani në
Internet (dhe/apo në CD-ROM). Derisa formati ndryshon, përdorimi
dhe përmbajtja e librit të referencës është njësoj në Internet dhe jashtë tij.
Gjithashtu, tani ka me mijëra web-sajte që janë unike në Internet, të cilat
kohë pas kohe mund të jenë të përdorshme në referencë. Për fat të mirë,
njohja e titujve themelorë mjafton – të paktën për fillestarët.
Përpjekja për të mbajtur hapin me burimet më të fundit të informacionit
jo vetëm që mund të jetë me stres, por mund të jetë edhe e rrezikshme
për shëndetin. Një studim i botuar zbulon se “stresi mund të dëmtojë
pjesën e trurit që mbush kujtesën”. Kurse një studim tjetër, një vit më
vonë, zbulon se “surfimi mund të jetë posaçërisht i rrezikshëm ngaqë
mëton të jetë aktivitet i lirë dhe njerëzit janë më pak të vetëdijshëm me
dhembjet dhe pësimet nga kompjuteri. 6
Lloji i burimit “kontroll-qasje-udhëzim”
HYRJE NË PUNËN E REFERENCAVE
Klasa apo forma e parë e gjerë e burimeve të referencës është bibliografia.
Kjo formë definohet në mënyrë të ndryshme, por në kuptimin me të
përgjithësuar ajo është një listë përshkruese dhe sistematikisht e prodhuar
e shënimeve.
Kontrolli. Bibliografia shërben si një mjet kontrolli, një lloj liste e
kontro llimit. Ajo shënon inventarin e asaj që është prodhuar nga dita më
ditë dhe nga viti në vit, në atë mënyrë që i mundëson si hartuesit ashtu
dhe shfrytëzuesit ta ndiejë veten se ka kontroll, përmes organizimit, mbi
6 The New York Times, 28 mars 1998, f. ËK4; 5 gusht 1999, f. G3.