Testet Gjuha Shqipe 3 - Albas

Test nr. 3
Varianti I
Lexo përrallën e mëposhtme:
Teste Gjuha shqipe 3
Shumë kohë më parë lepuri kishte një bisht të gjatë dhe me qime të dendura. Bishti i
tij ishte më i gjatë se bishti i dhelprës. Lepuri e dinte këtë dhe nuk linte vend dhe kafshë
pa mburrur bishtin e tij.
Një ditë prej ditësh dhelpra vendosi që t’i punonte një rreng lepurit mendjemadh.
Po afronte stina e dimrit. Filloi të binte borë dhe shumë shpejt ujërat e liqeneve ngrinë
dhe u bënë akull. Një ditë dhelpra zbriti poshtë në liqen dhe hapi një vrimë në akull. Me
vete kishte marrë 4 peshq, të cilët i kishte peshkuar në lumë. Dhelpra priti e priti, kur më
në fund u shfaq lepuri. Atëherë dhelpra lidhi një peshk në bishtin e saj dhe e futi atë në
vrimën që kishte hapur në liqen. Lepuri kur e pa u çudit dhe fi lloi ta pyeste:
-Çfarë po bën aty?
-Po peshkoj, - i tha dhelpra.
-Sa kohë ke që peshkon? - e pyeti ai.
-Kam pak kohë dhe kam zënë katër peshq, - i tha ajo. Për të zënë një peshk më është
dashur pesëmbëdhjetë minuta kohë, - e gënjeu ajo.
-Tani po iki në fshat që t’i gatuaj. - Kështu i tha dhelpra dhe u nis drejt fshatit.
Lepurit mburravec i erdhi inat dhe fi lloi të peshkonte. Futi bishtin e tij të gjatë në vrimën
e hapur dhe ndenji ashtu gjithë natën.
Në mëngjes dhelpra u kthye në liqen, por ç’të shikonte?! Lepuri s’dilte dot nga liqeni.
Ai dridhej nga të ftohtët.
-Eja më ndihmo, se kam ngrirë! - i tha lepuri.
Dhelpra me një buzëqeshje në fytyrë u afrua ta ndihmonte. Filloi ta tërhiqte, por lepuri
ishte bërë akull. Pas disa përpjekjesh lepuri u shkëput nga akulli, por bishti i tij i bukur
mbeti brenda në liqen.
Që nga ajo ditë lepurit i mbeti bishti i shkurtër, shumë i shkurtër.