You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Kolaig<br />
Petra ? Kap... Kapitennet ? Pegoulz eo bet Lambave kabiten ? ‘Vid bremañ<br />
bepred n’eo ket muioh gradet evidon ive.<br />
Rosalie<br />
Piou a zo o komz euz grad ? Hervez ‘n-eus laret Ramzell eh eo eur gwele<br />
e-barz da daou a-hed hag unan a-dreuz.<br />
Kolaig<br />
Unan a-dreuz ? Neuze n’eus ket da houlenn piou a vo lakeet a-dreuz.<br />
Rosalie<br />
Arsa, pe out kousket pe ne glevez ket sklêr ? ‘Vid goud a-walh a rez on<br />
gwele n’eo ket kap da vond ken.<br />
Kolaig<br />
N’eus ket ezomm da vond ive ; n’eus ket ezomm nemed da chom aze.<br />
Rosalie<br />
Damen ya, chom aze, sur. Med nim pa n’om ket evid chom e-barz ken ! En<br />
noz all oan ket kouezet er-mêz dre ar foñs ha sac’het en-kreiz ‘tre daou<br />
blankenn ? Lavar din hag-eñ eo honnez eur vuhez ?<br />
Kolaig<br />
Feiz ‘vad. Kazi koulz eo din sac’hañ en-kreiz ‘tre daou blankenn evel<br />
bezañ lakeet a-dreuz en gweleou kapitennet ive.<br />
Rosalie<br />
Serr da henou, sell ! anvet eo goud n’out ket divezo c’hoaz. Med pa laran<br />
n’eo ket jeu bezañ beb noz o sevel da glask ar morzol da blantañ poentinier ‘n<br />
eun troad pe ‘n eun troad all ! Divuni an amezeien c’hoaz !<br />
Ya, ‘mo biken ar hras da gaoud eun otomobil da vond da vale pa welez ket<br />
sklêr da gondui anezi gand ar vapeur deuz an alkol o tallañ ahanout. Med avad<br />
eun tamm gwele da gousked ‘m-eus c’hoant da gaoud pa zo eur gwenneg<br />
bennag c’hoaz en foñs an diretenn.<br />
Kolaig<br />
Eur gwenneg bennag ? Med ped gwenneg ‘gav dit e kousto ar hlud-se ?<br />
Rosalie<br />
Feiz ‘vad, ar pez a dalvezo d’eun all a dalvezo dit ive. Pa vez c’hoant da<br />
gad eun dra, vez red lakaad ar briz.