PDF - Embann An Hirwaz

Kant vloaz ma mam-gaer
C’hoarierien
Armand, ar mab-kaer.
Lucie, e wreg.
Ar vamm-gaer.
Nana, ar vatez.
Ar Mêr.
Guy, ar journalist.
Yann, an den koz
Armand
(O tond er zal). Pa laran, dalhed a rin ma zoñj euz an devez-mañ. Ne
zouhetan da den ebed gweled e vamm-gaer o vond da gant vloaz. Ma ‘mez ket
kollet ma skiant ‘benn noz am-mo chañs. Dal a boan ivez ober eur pardon a
seurt-mañ gand eur goz tompi 19 a seurt-se, ugent vloaz ‘zo ‘n he bugaleaj.
Lucie
(O tond). Petra ‘teus laret aze, Armand ? Ma mamm ‘n he bugaleaj ?
Toupe 20 ‘teus ‘velkent oh ivanti ze, rag sur a-walh, te, ‘benn ‘vi arru en oad-se, ne
gozei ket kenkoulz ‘vel ra honnez.
Sell, me ‘gav din ‘teus ket skoulmet da gravatenn c’hoaz.
Armand
Tra-walh a dreou skoulmet a zo arru amañ, me ‘gred, rag n’ouzon ket
penaoz ‘vefont diskoulmet.
Lucie
Rez ‘med digaozeal ‘vel pa vefes ket kontant. Arsa, ‘vid ma mamm, n’eo
ket kaoz ‘h eo ‘n em gavet kant vloaz, ze ‘zo eun dra hag ah afe arruoud gand an
dud toud. Hag a zo eur vizaj ouzit hirie wasoh ‘vid reor eur marmouz ‘n eun
toull chafod. Soñj eun tamm petore enor ‘h eom da gad o tremen, o tefilañ dre
ruiou kêr da heul ma mamm, an daouarn o strakal dim. Soñj.
Armand
An daouarn ? O ! istoh ‘vid an daouarn a strako sur a-walh ‘benn emberr.
Lucie
Ya, an tan-artifis ‘vel just a strako ive.
Armand
Petra... tan-artifis ? Ha petra c’hoaz ? ‘Vo ket a dennou kanon ?
19 tompi : galleg “toupie“
20 Toupe : galleg.