Create successful ePaper yourself
Turn your PDF publications into a flip-book with our unique Google optimized e-Paper software.
Ar vamm<br />
Hañ ! feiz ‘vad, kentañ tra souezuz em-oa gwelet, ze ‘oa er bloaz ‘oan<br />
ganet, e oa bet revet ar patatez abred, deiz foar ouel-Yann.<br />
Guy<br />
Deiz foar ouel Yann ? N’en em dromplit ket a dat 21 ?<br />
Ar vamm<br />
‘N em dromplañ ? Me ‘gred ‘velkent on koz a-walh da houd petra a laran.<br />
Sellit, goude neuze, er bloaz ‘oan dimezet, e oa deut an Amerikaned, gand<br />
o gweturiou da nijal, da skei dorifor ‘n on farkeier, jalouz o weled ar Vretoned o<br />
kas patatez da Vro-Zaoz. Hag e vijem gand on tavañjer o tastum ar bekou bihanze,<br />
bugale ar skol o sikour ahanom.<br />
Guy<br />
Eur memor dispar e-peus ; c’hwi ho-po soñj em-pad pell, sur mad, deuz<br />
devez ho kant vloaz ive, kemend a dreou hag ah it da weled hirie.<br />
Ar vamm<br />
(Stad enni). Te ‘lar gwir, paotr bihan. Da gentañ, goude an overenn, e teuio<br />
toud an dud da bokad din d’ar sikritiri ; goude ‘rin tro kêr kazellet gand an<br />
Aotrou Mêr hag ar Sou-Prefed. Ahane ‘h efom d’ar mêri evid ar gwin fin.<br />
Guy<br />
Hañ ! ya, evid ar “vin d’honneur“, da drinkañ d’ho yehed. Ha goude,<br />
peleh emañ ar pred ? ar banked ?<br />
Ar vamm<br />
O ! Hervez kleved, ‘n eun otel a deir steredenn. N’on ket kap da lared<br />
peleh.<br />
Guy<br />
O ! E Lannuon sur a-walh ; aze zo eun otel ‘vel-se justamant.<br />
Ar vamm<br />
Ma Doue, an teir steredenn o-devoa renet an tri Roue da graou ar Mabig<br />
Jezuz. N’eo ket da Lannuon avad.<br />
Guy<br />
Nann, nann, da Vetleem, med n’eo ket di ‘h efet d’ho koan, peotramant ‘vo<br />
ket abred.<br />
Ar vamm<br />
21 a dat : galleg ; a zeiz.
Change language