PDF - Embann An Hirwaz

Kolaig
N’on ket heb goud, pa ‘m-oa c’hoanteet kad ahanout em-oa ranket lakaad
ar briz ive da skei solud añcher 6 war ar re a oa o klask ober an dro dit.
Rosalie
Ya, med kleo ‘ta ! Daoust hag-eñ n’az-toa ket bet arhant evid kemer
ahanon ? Med evid kemer ar gwele n’ez-to ket ; red vo dit geuill anezañ beteg an
añcher diwezañ, ha neuze e roi da ano.
Kolaig
Lakaad ma ano ? Sell, me rey evel-henn. Pa vo laret “diou wech hanter“,
“teir gwech“, “peder gwech“, ‘mon-me ‘n eur lahañ ar goulou. Med n’eo ket a-
walh. Peleh vo lakeet ar havell-ze ? War an oaled ? Me welan ket a blas leh all.
Rosalie
War an oaled, ya, hag ober tan, didannañ marhad 7 . Dalvez ket ar boan
kaoud eur genou ken ledan ‘vel az-teus ma ne welez ket sklêrroh evdi-se.
En plas egile, marhad, vo lakeet. Me ‘h a da gemer an hach 8 d’ober skillou
outañ ’benn vi arru.
Kolaig
Hañ ! ya, ha kemer neuze ar rozell hag ar skubelenn da dastum ar poultr.
En deiz all oa ar paotr bihan o houlenn diganin : « Gwir eo, emezañ, eun den
maro a ‘h a en poultr ? ». ‘Vel-se vez laret, ‘mon-me, « neuze, emezañ, dindan da
wele e kle marvet kalz a dud. »
Rosalie
‘Rez nemed klask jeu, sell ! Ziler koavenn ! Sell ! Da vragou, dreset eo.
Hast buan gwiski ‘nezañ, karzañ gand ar foeltr, ha teul ple mad na brefes ket ar
gwele-ze. Eno vo karr pe gamion hag e feurmi unan da degas anezañ d’ar gêr.
Ya, hast buan mond a-dreuz dre waremm ar hoz-kezeg da dapoud tosenn
ar Louzed, kuit da vond da zuhelled dirag an ostaleriou.
Kolaig
Mad, ma kondaonez ahanon da vond a-dreuz, ne zoñj ket dit e rafe den
ebed eur haloupadenn a-seurt-se heb takenn ebed ? Ro din da vihannañ eun
tamm boutaillad win. (Mond a ra er-mêz).
Rosalie
Hag az-to da vihannañ evid kaoud peuh. Gwelom neuze petra a zo amañ
er bufed !
Hañ hañ ! la jeu ! Eur restad en foñs ar voutaill !
6 añcher : galleg “enchère“
7 marhad : moarvad.
8 hach : bouhal.