Urlaubszeit - Ev. Kirchengemeinden Carolinensiel und Funnix-Berdum

16
GRAFIK: PLASSMANN
Plattdütsch
Frömmigkeit
Stell di mal vör . . . . . . du büst Christ, un nümms markt dor wat van
Vörstellen kann man sück ja vööl. Soon
moin Schnack is: „Stell di mal vör, dat is
Krieg, un nümms geiht der hen.“ Kannst
över lachen, aber een bäten watt sitt dor
doch achter. Een anner Schnack: „Stell di
mal vör, du büst Christ, un nümms markt
dor wat van.“
Disse Schnack mit een moi Teeknung wehr
ook bi de Ünnerlagen letzt Johr, as wi in uns
Gemeenden de Globenskurs dörackert
hebbt.
Schnackt hebbt wi doröver allerdings nich,
so as ick mi besinnen kann. Avers geiht dat
överhaupt: Christ wesen, un dat dor
nümms wat van markt? Na ja, gannich mal
so selten belävst du Christen, de sück dat
gannich anmarken laten willt, off woll dat
bi uns ja överhaupt nich gefährlich is. Avers
dat givt nich wenig Lü, de hebbt Angst
dorvör, dat se, wenn man dat marken deiht,
as weltfrömd ansehn worn. Oder se kamt
in de Schuvlah för de, de mit dat Leven nich
torecht kamen. De een of anner hett viellicht
ook Angst dorför, ook wenn he evan-
gelisch is, dat he verantwoortlich dorför
maakt woort, wat de Papst seggt hett.
Annersrüm givt dat woll wenig Gefohr, datt
well sien Frömmigkeit so richtig ruthangen
deiht, üm sückk een goden Platz in d’ Himmel
to säkern – eerder all in d’ Gesellschaft.
Eerder avers heet dat: Almosen gäven,
Bäden of Fasten is min Privatsaak, dat geiht
annern nix an.
Dat is eenig schaad, denn Frömmigkeit, dat
Bekenntnis, Christ to wäsen, bruukt doch
gannich vööl un kann sovööl anner Lü
ansteken. Dat reicht ja all, wenn du, üm
annern to helpen, wat mehr, wat nich sö
klötern deiht, in Klingelbüdel fallen letst.
Du kannst sovööl för annern doon, de dat
nödig hebbt, un dat makt di toletzt süllm
tofrä. In Karkengemeend givt dat immer
wat to doon, wat annern togoot kamen
deiht. Un wenn dat Bastelee för een Basar
is. Un wenn du gannix anners kannst, denn
singst du in Karkenchor off schrivst för
„Uns Kark“ so as ick. Jo
Ehnt Ulfers Janssen