Gemengerot Esch - Esch sur Alzette

all Pabeieren do leie fir dat kënnen ze
beleeën an deem wat ass.
Deem gesot, si mer natierlech och frou.
Ech wollt awer just nach eng Remarque
maachen. Well mir déi eenzeg sinn déi
dat heiten eigentlech hunn, wann en
Tour de Lëtzebuerg gemaach gëtt op de
Gemenge fir ze kucke fir déi Fonge
kënnen ze notzen, da stellen ech mer
natierlech och d‘Fro wéi gutt dass et aner
Gemenge geet. Well wann dann hei esou
eppes zur Dispositioun steet vu Millioune
vu Frang an et ass keen dee sech dofir
interesséiert, da sinn ech der Meenung,
wa mer déi Diskussioun vum Soziale
féieren an ëmmer erëm drop hiweisen,
datt mir net ëmmer do si fir dat anert ze
huelen, da muss een nach eng Kéier den
Tour maachen an och kloer soen, dass
dat doten eng Méiglechkeet ass fir si an
anerer Hinsicht da Sue labber ze kréie fir
dee sozialen Deel an hirer Gemeng kënne
weider ze förderen.
Deem gesot, Madame Buergermeeschter,
léif Kollegen, wäerte mir och an Zukunft
wat dat doten ubelaangt, Iech komplett
ënnerstëtzen.“
Buergermeeschter Lydia Mutsch (LSAP):
„Merci, Här Zwally. Ech menge mir hunn
hei d‘Unanimitéit, dass mer eis net just
freeën dass mer hei subsidiéiert ginn an
dass mer dat ugefrot hunn. Mä dass mer
am Gesamtkader all Méiglechkeete sollen
ausnotze fir iwwert déi eenzel Förderprogrammer
eis Projete geltend ze maachen,
well immens vill vun eise Projete kënnen
ënnert dem Gesamtlabel Revalorisatioun
vum Tissu économique an Zukunftsperspektiven
opbauen, geltend gemaach ginn.
D‘Madame Schäffin huet mech elo grad
drun erënnert, dass mer och am Zesummenhang
mat den Diskussiounen déi mer
hei hate ronderëm d‘Universitéit an
d‘Entwécklung vum Quartier Belval, dass
mer do sollen och intervenéiere vis-à-vis
vun de Regierungsinstanzen. Et war eng
deementspriechend Motioun hei unanime
gestëmmt ginn, dass mer och do
sollen intervenéieren, dass déi ganz Amenagementer
souwuel fir eis Gemeng wéi
och fir eis Nopeschgemeng mat ganz
héijen Investitioune verbonnen ass, an
dass mir eis am Fong erwaarden, dass mir
och do eng strukturell Hëllefstellung kréie
wat mer bis elo am Fong bei net ganz
villem festgestallt hunn. Also do sinn
nach ganz vill Steigerungsméiglechkeeten
dran. Also dat hu mer eraus ginn. Dat
vläicht just zu där Informatioun.
An da kéinte mer zur Ofstëmmung komme
fir d‘Konventioun kënnen definitiv ze
ënnerzeechnen an op den Instanzewee
ze goen.“
8. Aménagement de la place de la Résistance / 9. Gestion de stationnement
Conseillers présents:
M. Marc Baum – M. Zénon Bernard –
Mme Taina Bofferding – M. Daniel
Codello – M. Marco Goetz – M. Mike
Hansen – Mme Annette Hildgen –
M. Henri Hinterscheid – M. Jean Huss –
M. Théid Johanns – M. Martin Kox –
Mme Lydia Mutsch – Mme Vera Spautz
– M. Paul Weidig – M. Everard Wohlfarth
– M. André Zwally
Le Conseil Communal approuve à
l’una nimité la convention entre la Ville
d’Esch-sur-Alzette et le Ministère de
l’Economie et du Commerce extérieur.
9. Gestion du stationnement
automobile dans l‘espace
public:
a) Information
b) Modification des règlements
en vigueur; décision
c) Règlements de la circulation
routière; confirmation
Buergermeeschter Lydia Mutsch (LSAP):
„Sou, mir kéimen dann zum Punkt 9, dat
ass eise grousse Punkt iwwert de Parkraum
management an do huet sech preparéiert
eise Mobilitéitsschäffen, den Här
Hinterscheid, deem ech och direkt
d‘Wuert ginn.“
Schäffen Henri Hinterscheid (LSAP):
„Merci, Madame Buergermeeschter. Ech
menge mir hunn an der Schäfferotserklärung
d‘Ausso gemaach, dass mer e
Park raumbewirtschaftung an notamment
de Parking résidentiel géingen enger
Analys ënnerwerfen. De Moment si mer
an enger Situatioun wou mer mat där
Analys ugefaangen hunn. Mer hu festgestallt,
dass op verschiddenen Niveaue
Muenches klemmt. D‘Parkraumbewirtschaftung
ass e wichtegt Element vun der
Mobilitéit. Et ass och e wichtegt Element
fir d‘Organisatioun vun enger Stad ze
steieren. Si huet 2 Finalitéiten. Déi éischt
Finalitéit ass déi fir eng héich urban
Liewensqualitéit fir d‘Résidente vun eiser
Stad sécher ze stellen a si huet als zweet
Finalitéit d‘Sécherstellung vun enger
héijer Attraktivitéit vum Wirtschafts- a
vum Geschäftsstanduert Esch.
D‘Parkraumbewirtschaftung muss also en
dynamescht Element si fir permanent
kënnen ze reagéieren an an deem Sënn
ass dat hei och elo en éischten Astieg an
déi dynamesch Bewirtschaftung vum
Parkraum hei an der Stad. D‘Erausfuerderung
vun enger Parkraumbewirtschaftung
ass eigentlech déi, dass ee vun deenen 2
Finalitéiten déi ech elo genannt hunn, déi
éischt urban Liewensqualitéit fir d‘Residanten
an zweetens déi héich Attrakti-
Escher Gemengerot vum Freideg 16. Mäerz 2012
18
vitéit fir Wirtschafts- a Geschäftsstanduert,
dass een déi versicht mateneen ze
conciliéieren a se idealerweis versicht
gläich berechtegt ze behandelen. D‘Attraktivitéit
vum Geschäftsstanduert muss
sécher gestallt ginn aus Iwwerleeungen
déi generell eis Stad betreffen, generell
eis Recettë vun eiser Stad betreffen, generell
d‘Attraktivitéit och vun der Stad
betreffe fir seng Residanten a gläichzäiteg
musse mer kucken, dass dat net a Kollisioun
geet mat den dédicacéierte Wunnquartieren.
Dat geet hei zu Esch relativ
gutt, well mer eng ganz kompakt Stad
sinn, dass mer eigentlech kënnen do
nuancéiert virgoen.
Parkraumbewirtschaftung ass en Instrument,
hunn ech gesot. Et ass en Instrument
mat deem d‘Gemeng schaffe kann
a wéi all Instrument mat deem mer
schaffe kënnen, huet et den Nodeel, dass
d‘Gesamtparkraumbewirtschaftung finanziell
net neutral ass fir d‘Stad. All Instrument
wat mer eis ginn, kascht iergendwou
Suen. Dat Instrument setzt sech aus
verschiddenen Elementer zesummen,
Re glementer, Agenten déi déi Reglementer
kontrolléieren a mer wësse genuch
vun anere Beräicher, dass wann een net
kontrolléiere geet all Reglement lettre
morte bleift, an dass et de Pabeier mol
net wäert ass op dat et geschriwwe gëtt.
Wat kascht nach? D‘Infrastrukture vun
der Parkraumbewirtschaftung an der
Ober fläch, Parking, d‘Horodateuren, et
kascht eis den Entretien ze maachen,
d‘In frastrukturen ze kafen, se ze ënnerhalen.
An dann en zweet Element wat eis
elo de Moment nach Sue kascht, dat ass
d‘Infrastruktur am Sous-sol an dat sinn
déi Garanties de recettes déi mer musse
sécher stellen, fir dass déi Parkhaiser do
och konnte gebaut ginn.
Also d‘Dépensë kenne mer. Wat sinn
d‘Recetten? Et sinn d‘Tickete vun den
Horodateuren, d‘une très moindre façon
sinn et déi Part vun de Kontraventiounen
déi eis Agente schreiwen an dann nach
vill méi eng bescheide Part sinn déi
Vignetten déi ausgestallt gi fir de Parking
résidentiel. D‘Zil ass, dass dat Null vun
Null opgeet. Dass dat Null vun Null
opgeet. Net, dass mer domat Geld verdéngen,
dat soll keng zousätzlech finanziell
Ressource si fir d‘Gemeng, mä et soll
Null vun Null opgoen, an dass déi zwou
Finalitéiten déi mer sichen, net bremsend
si gegebenefalls fir aner Investitiounen
déi d‘Gemeng muss tätegen am Interêt
vun hire Bierger. Ech hunn elo e bësse
méi wäit ausgeholl fir verschidden Neierungen
ze annoncéieren. Wann ech gesot
hunn et muss Null vun Null opgoen, de
Moment geet et net Null vun Null op,
well déi Garanties de recettes déi mer fir