Gemengerot Esch - Esch sur Alzette

nëmme fir eng Zort vu Clientèle mä och
fir eng aner. D‘Rockhal hutt Dir ugeschwat,
obwuel ech ëmmer do e bësse
virsiichteg si well ech soen, du hues net
ëmmer déi ideal Co-Habitatioun, et ass
net ëmmer evident an et mussen do
awer wierklech ganz kloer Regele gëllen
herno an et muss ee kucken, dass och do
d‘Zesummeliewe vu verschiddenen Interessegruppen,
dass déi awer méiglech
ass.
D‘Folgekäschten, et ass kloer, dass een als
Conseiller sech do Froe stellt wat kënnt
do op eis duer. Well mir hunn och an
aneren Domainer wéi z.B. de Parking
schlecht Erfahrunge gemaach, dass ee
sech awer do effektiv soll Froe kënne
stellen.
Dann e leschte Punkt deen ech wollt just
kuerz uschneiden. Als Escher weess een,
dass d‘Gare wéi se de Moment benotzt
gëtt, dass do e Phänomen regelméisseg
ze bemierken ass, dee vum Rangéieren.
Dat heescht, dass och d‘CFL, vu dass se
net méi deen Auslaf huet op aner Plazen,
dass ganz oft rangéiert gëtt op der Escher
Gare, an dass een do awer wierklech och
muss Suerg droen, dass ee mat der CFL
do eng Léisung fënnt, dass déi net zu
enger Belästegung vun den Utilisateure
vun der Jugendherberg gëtt. Well, wéi
gesot, d‘Transportwaggonen, wann déi
hin an hir geschubst ginn, dat kéint
laang fristeg e Problem ginn.
Pour le reste fannen ech de Projet esou
wéi ech e presentéiert kritt hunn a wéi
ech och d ‘Geleeënheet hat an dem Dossier
mer en unzekucken, fannen ech et e
ganz flotte Projet an ech kann en nëmme
begréissen. An dofir géif ech och soen,
vu menger Fraktioun aus, wäerte mer déi
Saach do ënnerstëtzen.“
Buergermeeschter Lydia Mutsch (LSAP):
„Merci, Här Maroldt. Den Här Weidig
mellt sech.“
Paul Weidig (LSAP): „Ech wëll elo net
erëm widderhuelen, effektiv ass et e ganz
schéine Bau. Mä ech wëll awer soen, allgemeng,
dass dës Jugendherberg zu Esch
gehéiert wierklech wéi d‘Fauscht op
d‘Aen. Ganz genau op där richteger Plaz,
besonnesch Esch als Stad mat vill Zu kunftspotential,
op Esch als Unisstad an och op
Esch als regional Mobilitéitszentrum. A
virun allem do wou d‘Jugendherberg läit,
kënnt ee praktesch zu Fouss an de gesamten
Zentrum eran. Mam Vëlo ass een op
der Gare a vun do erreescht een dat ganzt
Stadgebitt. An doriwwer eraus, iwwert
déi nei Bréck déi mer geschafen hunn,
och kënnt een an déi Landschaftsgebidder
vum Minett, déi wierklech eemoleg
sinn, eemoleg fir de Süden, eemoleg fir
4. Auberge de Jeunesse
d‘Land an och eemoleg géif ech soe fir
Europa. A vun do aus kann een dann och
an déi Nopeschstied erafueren an och
grenziwwerschreidend sech mam Vëlo an
deene Landschaftsgebidder beweegen,
wat en immense Potential ass deen nach
net genuch genotzt gëtt.
Mä och d‘Bussen treffe sech op där Plaz
do an och mam Bus kënnt ee ganz gutt
bei d‘Jugendherberg, mä och vun do aus
kënnt ee praktesch an d‘ganz Regioun
Süden eran, souguer och iwwert d‘Grenz
ewech wat och e ganz groussen Atout
ass. An dann net zu Lescht ass awer och
déi Jugendherberg iwwert den Zuch
praktesch mam ganz Land an doriwwer
eraus mat der ganzer Groussregioun, mä
virun allem och géif ech soe bal mat ganz
Europa verbonnen. Dat heescht, déi
Jugendherberg läit wierklech op där idealer
Plaz an ass äusserst wäertvoll fir Esch.
Ech mengen 120 Better fir d‘Jugend,
d‘Jugend déi ënnerwee ass, déi Tourismus
mécht, déi Esch besiche kënnt, mä virun
allem och d‘Jugend déi hei op Esch
schaffe kënnt an dat ass gesot ginn, am
Interêt vun eiser Uni.
Wéi gesot, e ganz flotte Projet dee mer
onbedéngt gebraucht hunn an deen op
eis Stad wierklech maassgerecht geschneidert
ass. Merci.“
Buergermeeschter Lydia Mutsch (LSAP):
„Merci, Här Weidig. Et sinn elo keng weider
agedroe Riedner do, da géing ech
proposéieren, dass den Här Huss op déi
puer Froen äntwert.“
Schäffe Jean Huss (DÉI GRÉNG): „Fir
d‘éischt wéilt ech soen, datt mer vum
Schäfferot hir natierlech begréissen, datt
mer quer duerch d‘politesch Parteien hei
e groussen Accord fanne fir dee Projet do
ze realiséieren. Et waren am Fong just
zwou, dräi, ech mengen dräi méi Detailfroen
do, déi hei vun eenzelne Riedner
opgeworf gi waren. Dat eent, dat war
vum Här Baum, d‘Fro vun de Loyerspräisser
vun deenen Zëmmeren, fir do ze
iwwernuechten. Do ass et esou, datt déi
natierlech fixéiert gi vun eisem Sous-locataire,
well mir als Gemeng verlounen dat
jo un déi national Jugendherbergegesellschaft,
Centrale nationale vun de Jugendherbergen,
an déi fixéieren am Prinzip
déi Locatiounspräisser no Critèren, déi
international ugewannt ginn. Mir selwer
verloune jo u si. Bei deem Verlounen u si
ass et esou ze verstoen, datt mir natierlech
do bei eisem Locatiounspräis u si déi
Subsiden berücksichtegen, déi mer vu
staatlecher Säit kritt hunn. Dat heescht,
mir wëllen do keng kommerziell Beneficer
maachen, mä et sinn awer finalement
si, déi déi Präisser do fixéieren.
Escher Gemengerot vum Freideg 16. Mäerz 2012
8
Da just nach eng aner Detailfro, well jo
insgesamt, wat d‘Energieproblematik
ubelaangt, e groussen Accord hei ronderëm
den Dësch war, datt dat esou
gestallt gëtt, an och wat d‘Ästhetik ubelaangt.
Dat war nach just d’Fro vum Här
Baum iwwert d‘Méiglechkeet vu Reewaassernotzung.
Dat ass eng Fro effektiv, déi
een natierlech ka stellen, wou ech awer
elo net weess, inwiewäit dat bei der Planung
vergiess ginn ass oder net. Ech versichen
dat mat mengem Service nozekucken,
ob dat am Projet nodréiglech
nach méiglech wier ze maachen oder
net. Ech weess dat net, ech kann Iech
doropper net äntweren.
Den Här Maroldt huet hei d‘Fro gestallt
gehat iwwert d’Zich, well do rangéiert
gëtt, ob dat net problematesch wier vum
Kaméidi hier? Natierlech ass et esou, datt
dat sporadesch – ech weess vu wat Dir
schwätzt, well ech selwer net wäit dovunner
wunnen – a wann do rangéiert gëtt,
dann ass do e wéineg Kaméidi. Mä hei
ass jo awer virgesinn, datt wierklech eng
Schalldämpfung an deene Gebaier a vun
de Fënsteren virgesinn ass. Dat heescht,
e groussen Deel vun den Nuisancë wäert
awer do miniméiert ginn, quitt datt een
natierlech net wäert alles 100%teg total
miniméiert kréien. Ech hunn och doheem
duebel Verglasung a menge Fënsteren.
Ech si relativ no och bei deenen Eisebunnsgleiser,
mä ech mengen, duerch
eng gutt Isolatioun a gutt Verglasungsméiglechkeete
léist dee Problem sech
awer an de Grëff ze kréien. Ech mengen
dat sinn d‘Äntwerten op déi puer Froen,
déi do waren. Ech weess elo net ob ech
iergendeppes Wichteges vergiess hunn.
Ech mengen, dat waren dräi Punkten, déi
wéi gesot, déi hei opgeworf gi sinn.
Mä insgesamt soe mir awer Merci vum
Schäfferot fir déi grouss Ënnerstëtzung fir
dee Projet.“
Buergermeeschter Lydia Mutsch (LSAP):
„Merci eisem Héichbauschäffen. Da kéinte
mer zur Ofstëmmung kommen iwwert
den Devis. Au vote.“
Conseillers présents:
M. Marc Baum – M. Zénon Bernard –
Mme Taina Bofferding – M. Daniel
Codello – M. Marco Goetz – M. Mike
Hansen – Mme Annette Hildgen –
M. Henri Hinterscheid – M. Jean Huss –
M. Théid Johanns – M. Martin Kox –
M. Frunnes Maroldt – Mme Lydia
Mutsch – Mme Vera Spautz – M. Paul
Weidig – M. Everard Wohlfarth –
M. André Zwally
Le Conseil Communal approuve à
l’unanimité le devis au montant de