Gemengerot Esch - Esch sur Alzette

dann einfach elo mol dee bëllegsten,
dat wär fir e Kredit vun 1.800 Stonne fir
900 €. Dat ass relativ präiswäert. Et
bedeit, dass déi Leit natierlech net
onbedéngt uewen an deene Parkplaze
sinn, mä dass se sech dann ënne musse
stelle well se privilegéiert Präisser kréien.
Dat fonctionnéiert am Spidol och esou a
mir mengen, dass mer domat och enger
Demande vun engem Deel vun eise
Beschäftegten nokommen. Ech wëll och
soen, mir ginn eis do eiser Verantwortung
als Employeur gerecht. Mir iwwerhuelen
do och ganz bewosst eng Pusher-Fonctioun
fir eventuell aner Employeuren an
Esch ze incitéieren dat selwecht ze maachen,
respektiv aner Aktiounen ze maachen
déi mir parallel och maachen, well
mir sinn amgaang mat der Mobilitéitszentral
eise Beschäftegten hei den M-Pass
mat enger Subventioun unzebidden a
mir sinn amgaang mat dem Ministère ze
kucken, dass eis Beschäftegter hei mat
enger City-Kaart, mat hirem Badge wou
se hei hunn als Gemeng kënnen um
ganze Reseau vum City-Bus fir näischt
fueren. Dat sinn dann eis Begleetmoossnamen
déi mer awer parallel och maache
fir d‘Mobilitéit am ëffentleche Verkéier ze
förderen. Well mir wëllen net elo dat eent
vun deem aneren dissociéieren a parallel
wäerte mer och déi Offer vu Busverbindungen
déi et haut scho gëtt, déi
scho gutt sinn, nach versichen ze verbessere
fir och der Problematik vun de grenziwwerschreidenden
Arbeitnehmerinnen
an Arbeitnehmer kënnen entgéint ze
kommen an do gëtt et schonn en Deel
Saachen déi fonctionnéieren, déi awer
och nach verbesserungsfäeg sinn.
Dat sinn dann elo déi Ännerungen déi
kommen. Dat bedeit natierlech, dass mer
Verschiddenes awer och mussen an eng
aner Richtung änneren. Esou proposéiere
mer de Régime payant och iwwert d‘Mëttesstonn
ze generaliséieren. Mir wollten
en ursprénglech nëmmen hei am Zentrum
maache fir einfach de Leit den Idee
ze huele fir aus dem Parkhaus eraus zefueren
iwwert d‘Mëttesstonn an dann
iergendwou an d‘Peripherie ze fueren
oder eventuell an eng aner Gemeng
iessen ze goen. Mä mir hu festgestallt,
dass wa mer dat géinge maachen, géinge
mer eng Belaaschtung an d‘periphär
Quartiere maachen, dofir hu mer et
generaliséiert gemaach, dass de Régime
payant dann elo an alle Quartieren hei an
Esch wou de Régime résidentiel ass,
generaliséiert gëtt. Wa mer versichen
d‘Tarifpolitik gläichzeschalten tëschent
dem Sous-terrain an der Surface, wat mer
dann elo mat der Fractionnéierung
gemaach hunn, musse mer et allerdéngs
och mat den Zäite wou et payant ass
9. Gestion de stationnement
d‘selwecht maachen, well soss penaliséiere
mer finalement herno d‘Parkhaiser
a mer penaliséieren eis selwer well mer
domat Parksuchverkehr während de Mëttesstonne
generéieren.
Zweete Punkt, dat ass och d‘Ännerung,
an do mierkt Dir dass mer ufänken elo fir
d‘éischt ze nuancéieren, dass mer de
Régime payant bis 19.00 an de Quartier
Brill an Al Esch maachen. Aus zwou
Iw werleeungen. Wa mer gläichzäiteg de
Forfait Soirée maachen, wou mer d‘Leit
incitéiere wa se Owes an Esch komme fir
iessen ze goen oder fir an e Bistro ze
goen, dass mer da gläichzäiteg se och
wëlle mat sanftem Drock dozou incitéieren
dann och an d‘Parkhaiser ze goen.
Dat huet zwee positiv Effekter. Eng Kéier
fir eis Commercen, déi kënnen dann
Owes net soen, dass keng Méiglechkeet
do ass. Zweete positiven Effekt dat ass,
dass eist Stadbild Owes net esou chaotesch
ausgesäit wéi et de Moment heiansdo
ausgesäit. Dass se ech egal wou
geparkt gëtt well et gëtt bis 19.00 kontrolléiert
an et gëtt verbaliséiert wa se
egal wou stinn, wat de Moment net de
Fall ass. An drëtte positiven Effekt ass
deen, dass mer ganz oft Reklamatioune
kritt hu wa Leit an der Géigend vu Bistroe
wunnen, net während de Betribsstonne
vum Bistro, mä wann et Feierowend ass,
dass dann dobausse geschwat gëtt,
d‘Autosdiere geknuppt gëtt, etc etc. An
dat ganz besonnesch am Summer, dat
verlagere mer dann elo an de Parking
sous-terrain an do stéiert dat keen. Dat
ass d‘Ursaach firwat dass mer gekoppelt
un dee Forfait Soirée dann et payant
maachen da bis 19.00. An en zousätzleche
positiven Effekt ass, dass fir all eis Leit
déi ausserhalb vun Esch schaffen, déi
heem kommen, dass déi vläicht och
tëschent 18.00 a 19.00 am Résidentiel
nach eng Plaz fanne fir sech kënnen ze
parke wat de Moment net wouer ass,
well vu 18.00 un ass alles blockéiert.
Wat mer och proposéiere par rapport zu
der Reglementssituatioun wéi se elo ass,
ofzeänneren, dat ass de Régime payant
Samschdes mëttes opzehale virun der
Lallenger Sportshal. Bei deene Parkplazen
déi ënnert de Régime vun de Sportinfrastrukture
falen, wann ech och soen de
Régime payant opzehalen, heescht dat
net de Résidentiel an deene Stroosse
lénks a riets opzehalen. Mä wierklech déi
Parkplazen déi riicht virun der Sportshal
si wou kee Residant direkt touchéiert
ass, fir do opzehalen. Firwat? Well mer
Samsch des mëttes sinn, Generalversammlungen,
Manifestatiounen, et komme
Leit vu baussen eran an Esch, an dass mer
do eigentlech aus där Iwwerleeung dat
do probéieren opzehalen. Iwwert d‘Woch
Escher Gemengerot vum Freideg 16. Mäerz 2012
20
bleift en, well dat bedeit mol, dass wa
Leit an d‘Sportshal kommen, och vläicht
d‘Méiglechkeet hunn eng Parkplaz ze
kréien. Dat zweet wat et bedeit, dass
doduerch dass et kontrolléiert gëtt natierlech
och opgepasst gëtt, dass net chaotesch
do geparkt gëtt, an de Rondpoint
geparkt gëtt, d‘Sorties de secours zougeparkt
sinn, an dass, wa mer wierklech en
Noutfall Problem wär et net méiglech
wär do ze intervenéieren.
Bon, dat sinn elo déi Ännerungen déi elo
kuerzfristeg noutwenneg, aus eiser Siicht
noutwenneg geschéngt hunn. Also d‘Attraktivéierung
vum Brill-Parking mat ganz
gezielte Mesuren, generell Mesurë fir
d‘Leit ze incitéieren zu verschiddenen
Zäitpunkter éischter an d‘Parkhaiser ze
goe wéi an der Oberfläch ze parken an
dann déi Modifikatiounen iwwert d‘Mëttesstonn
an Owes am Zentrum an zu Lalleng
virun der Sportshal.
Bon, ech hu gesot dat sinn éischt Mesuren.
An der Schäfferotserklärung steet, dass mer
an alle Quartiere géingen analyséieren. Mir
hunn eis virgeholl, dass mer innerhalb vun
deenen nächste 6 Méint ofgeschloss hu
mat där éischter Analys fir ze kucke wéi dat
sech elo weider entwéckelt. Mir musse verschidde
Saachen am Ae behalen. Éischtens
musse mer am Ae behale wat geschitt op
der Lallenger Säit vum Quartier Lalleng.
Elo ass et am Cinquantenaire, wat geschitt
op där anerer Säit? Zweetens wat mer
mussen am Ae behalen, wat ass am Quartier
Brouch? Drëttens wat mer mussen am
Ae behalen, do denkt vläicht net on bedéngt
jiddwereen haut drun, wat mécht
sech op Belval- Homecht, duerch de Sogeffekt
vu Belval? Wat mécht sech op Belval-
Homecht wann de P&R do gebaut ass vun
der CFL, deen net gratis ass. Esou dass mer
déi Zesummespiller mussen analyséieren,
ofweien an da wierklech am noe Kontakt
mat den Awunner, mat de Quartiersveräiner
do weider reagéieren.
Bon, dat hei elo gesot, géing ech hoffen,
dass Dir deene Mesuren déi awer engem
Deel Demanden entspriechen, zoustëmmen.
Mer versichen, dass dat do alles
scho fir d‘Ouschterkirmes operationell
ass, an dass mer da scho kënne fir d‘Ouver
ture vun der Ouschterkirmes vum Tarif
Soirée profitéieren.“
Buergermeeschter Lydia Mutsch (LSAP):
„Merci fir dës ëmfaassend Explikatiounen.
Mir hunn elo schonn dräi Wuertmeldungen
an et geet u mam Här Bernard an
duerno solle sech prett maachen déi Häre
Baum an Hansen.“
Zénon Bernard (KPL): „Merci, Madame
Buergermeeschter. Ech hunn dem Här
Schäffen andächteg nogelauschtert.”