Die Münzen der Grafen von Ostfriesland (1464-1540)

alle achterstallich geworden sinnen unde sin') Und gewest vor den jare unses
heren 1483 vor Paschen, de sali men betalen elck Arenßgulden mit twalff unser
nyer Krumsterten.
Noch alle renten, wederkope, gelenede penningen und alle schulde etc., wo
de achterstallich geworden sint, so vorschreven is, de ingesettet sint van Paschen ofte 2 )
in dem jare 1483 went tho dem jare 86 vor Nyejaersdach, sali men betalen elcken
Arnßgulden mit tein unser nyer Krumsterten und elck Merck mit twalff unser
nyer Krumsterten.
Noch alle renten, wederkope, gelenede penningen und alle schulden etc.
wo de gelegen sint, alle |de?j achterstallig geworden sint und angesettet in dem Jahre
1486 nha Nye Jaersdach went tho dem jähre 88 up Paschen, sali men betalen vor
elcken Merck elven unser nyer Krumstert und vor elcken Arenßgulden negen
unser nyer Krumsterten.
Noch van dem Jare 1488 nha Paschen went tho deßen Jare 91 up Pinxteren
allent, dat achterstallich geworden is, binnen deßer tydt van allen schulden, so
vorgeschreven is, sal men betalen vor elken Merck negen unser nyen Krumsterten
und vor elken Arnßgulden achtehalf der vorg. nyen Krumsterten.
Allent dat ingesat is van wederkope, schulden ofte gelenden penningen van
deßen tegenwordigen jare nha Pinxteren tho deße tegenwordige tydt dußer unser
vorkundigunge sal men betalen vor elcken Marek achtehalff unser nyen Krum-
sterten unde elken Arnßgulden mit seße unser nyen Krumsterten.
Item wat renten ofle schulden, de gekoft ofte genraket sint mit golden
penningen, de sali men betalen, als in den breven begrepen sin ofte in vorwoerden
geniaket, Rinßguldens mit Rinßguldens, Postulaet mit Postulaet etc. und dergelicken.
Vorder gebeden wy allen inwoners unses landes und allen kopmannen van
binnen ofte van bueten, dat sie uthgeven und upboeren sollen de golden gülden,
de unse edele frundliche leve broder saliger gedachten lieft laten munten, und den
wy ock nhu thor tydt tho munten bevolen hebben, gelick als ander golden Rinß-
guldens, in allen renten, wederkopen, landthueren, hueßhueren etc., ock in wat
kopenschuppen ofte vorwoerden dat geschien were. Bey ener poena van tein
golden Rinßguldens.
Noch gebeden wy, dat alle handtwerckers und alle, [de] veilinge holden,
gelick wantscherders 3 ), kremers, vleeschhowers unde vischevorkopers, herbergerers
und dergelicken und alle de gene, de kopenschup driven in allen unsen landen
und herlicheiden, dat sin inwoneren ofte kopmannen, van binnen ofte van bueten,
dat se stellen und setten sollen nha deßen swaren gelde unser nyer munten oire
kopenschup, und dat mit sollichen beschede, allent dat gegolden hefft tuschen dit
unde Pinxteren wendt tho deßen dage, nha rechte werde, enen oirth 4 ) van enen
Arnßgulden, dar geboirt nhu vor tho geven enen unser nyen Stuveren ofte ander-
halff Krumstert ofte dergelicken, up dat de gemeine man nicht behalet 5 ) werde, und
dat also tho vorsthane, dat sie ehr guedt wolden laven") ofte darvoir esken'), elck
nha den sinen, nye Krumsterlen und nye Stuvers, dat sie tho voeren Krumsterten,
Stuvers und halve Stuvers des vorgeschreven geldes gehatt ofte gelavet hebben.
Wie daranne befunden wert in der wurheit, de schall verbroecken hebben tein
golden Rinßguldens.
') Manuskript: und de sin. — 2 ) Manuskript: oft. — s ) Ms.: wanscheiders.
— 4 ) = ein Viertel. — 6 ) = betrogen. — ") ausbieten. — ') fordern, heischen.