... der steirer land ... Ausgabe 4/2017

Du liabes Kind im Krippal drin, wia leichtn deini Augn so kloa,
du fangst mi ei mit deinem Blick und zoagst, a Wunda wird hiaz woa.
Du liabes Kind, wia lochst du höll, und nur wal du die Liebe gspiarst,
a Segn schon wal als Mensch geboarn, und Vater unser – der du wirst.
Du liabes Kind geborn im Stoll, wia losst dei Geist mia ruhig werdn,
a andra Takt schlogt jetzt im Herz und sogt, i muaß aufs Rechti hearn.
Du liabes Kind gamz frei von Sorgn, wirst Großes tuan in deinen Togn,
sölba wiarst nur Liebe kennan, doch des Leid der Wölt am Buckl trogn.
Du liabes Kind gamz ohne Schutz, bringst zam – dein Wille sull geschehn,
valetzlich, kloa und doch vull Leben, sulln olli Leit des Guati sehn.
Du liabes Kind so oarm geboren, zoagst Glick fangd net ban kriagn aun,
fia umsa Wohl schenkst du dei Leben, des Hechsti, wos ma gebn kaun.
Du liabes Kind bestrohlt vom Stern, vollbringst dei Wunda olli Tog.
A jedes Kind des wird geborn, a Stickal von dem Liachtal trog.
Du liabes Kind mit so vüll Kroft, schenkst weiter, wos uns wichtig ist,
als Christuskind und umsa Heiland, und Vater unser – der du bist.
7