Gemeinde Ihrlerstein MITTEILUNGSBLATT

I bin nei do, auf der Brand, sozusagen a
„Zuagroasda“ (Zugezogener). I hob
g´hört, dass bei euch so schee is, drum
wohn´ I jetzt do.
Bei meinem ersten Rundflug is mir gleich
einiges aufg`falln, weil von oben hod ma
halt an bessern Überblick. Und ab und zu
schau I a in ein Fenster rein, natürlich
aber nur bei öffentlichen Gebäuden wie
Kirch, Rathaus oder bei de Wirtshäusa. In
private Sachen, do misch I mi net ei, des
geht mi nix o!
De vielen Kirchenaustritte zurzeit wundern
mi net, wenn a Maiandacht bei euch
scho über 4 Stund dauert. Do bin I übern
Meisenweg g`flogn –übrigens wird`s Zeit,
dass noch mir a eine Straß` benannt wird-
ja do war grod bei der Baumann-Kapelln
de Maiandacht, de da Baumann-Done mit
seiner Frau und seine Helfer organisiert
hod. Hundert Leut san rumg`stana,
g`sunga hams und bet und 3 Männer
hab`n in so gschnitzte Holzstangen eineblosn
und meine Kollegen, de Stare,
haben dazua pfiffa, grod schee wars.
Da Brandla Spatz!
13
Da Burgamoasta war a do und hod glei
am Anfang g`schimpft, weil er mit de
frisch putzt`n Schua in einen großen
Hund`sdreck einegstiegn is. Jetzt wo`s
doch bei der Gemeinde kostenlos de Tüten
für de Hund gibt, do braucht`s des wirklich
net.
Aber jetzt wieder zu dera Maiandacht oder
war des scho a Probe für den Prangertog
(Fronleichnam)? Auf der Seit`n haben`s
nämlich scho Birken hingstellt und nach
dera Andacht war a Prozession zum Klingerwirt.
Do war zwar koa Altar, aber dafür
a Bratwürstlgrill aufg`stellt. Koan
Sitzplatz hod ma in dera Kircha –na
Wirtsstub`n- mehr kriagt. De Stempfhuber-Kombo
hat aufg`spielt und G´stanzl
habns gsunga, sogar d`Leut aus dem Publikum.
War des vielleicht ein Kantorenwettbewerb
für Kirch? Manche habn so
viel g`lacht, dass an Bauchmuskelkater
griagt habn. De Wirtsleut habn natürlich
a g`lacht, weils de Wirtsstub`n voll ghabt
habn. Und de Helfer habn se g` freid, weil
a Gschäft ganga is und sie jetzt fürn Kindergartn
spenden kinna.
Jetzt muaß i oba wieder weiter fliagn. Bis
zum nächsten Mal, euer Spatz!