Untitled - QueenDido.org

SILIUS ITALICUS
Herculeis iter a metis ad lapygis agros 185
vincendo emensi ;
concessere Alpes ;
nusquam est animosa Saguntos ;
pater ipse superbus aquarum
Ausonidum Eridanus captivo defluit alveo.
strage virum mersus Trebia est, atque ora sepulto
Lydia Flaminio premitur, lateque refulgent 190
ossibus ac nullo sulcantur vomere campi.
clarior his titulus, plusque allatura cruoris
lux oritur, mihi magna satis, sat vero superque
bellandi merces sit gloria ;
cetera vobis
vincantur. quicquid diti devexit Hibero, 195
quicquid in Aetnaeis iactavit Roma triumphis,
quin etiam Libyco si quid de litore raptum
condidit, in vestros veniet sine sortibus enses.
ferte domos, quod dextra dabit ; nil ductor honoris
ex opibus posco. raptor per saeeula longa 200
Dardanus edomitum vobis spoliaverit orbem.
qui Tyria ducis Sarranum ab origine nomen,
seu Laurens tibi, Sigeo sulcata colono,
arridet tellus, seu sunt Byzacia cordi
rura magis, centum Cereri fruticantia culmis, 205
electos optare dabo inter praemia campos.
addam etiam, flava Thybris quas irrigat unda,
captivis late gregibus depascere ripas.
qui vero externo socius mihi sanguine Byrsae
signa moves, dextram Ausonia si caede cruentam
" i.e. Etruscan.
' i.e. Roman.
« A district in Africa near the Lesser Syrtis, of fabulous
fertility.
16