Untitled - QueenDido.org

SILIUS ITALICUS
Marte viri dextraque pares, sed cetera ductor
anteibat Latius, melior pietate fideque.
Desiluere cava turbati ad proelia nube,
Mayors Scipiadae metuens, Tritonia Poeno ;
adventuque deum, intrepidis ductoribus, ambae 440
contremuere acies. ater, qua pectora flectit
Pallas, Gorgoneo late micat ignis ab ore,
sibilaque horrificis torquet serpentibus aegis,
fulgent sanguinei, geminum vibrare cometem
ut credas, oculi ; summaque in casside largus 445
undantes volvit flammas ad sidera vertex,
at Mavors, moto proturbans aera telo
et clipeo campum involvens, Aetnaea Cyclopum
munere fundentem loricam incendia gestat
ac pulsat fulva consurgens aethera crista. 450
Ductores pugnae intenti, quantumque vicissim
auderent, propius mensi, tamen arma ferentes
sensere advenisse deos et, laetus uterque
spectari superis, addebant mentibus iras.
iamque ictu valido libratam a pectore Poeni 455
Pallas in obliquum dextra detorserat hastam,
et Gradivus, opem divae portare ferocis
exemplo doctus, porgebat protinus ensem
Aetnaeum in pugnas iuveni ac maiora iubebat.
turn Virgo, ignescens penitus, violenta repente 460
suflPudit flammis ora atque, obliqua retorquens
lumina, turbato superavit Gorgona vultu.
erexere omnes immania membra chelydri
" The shield of Pallas, called the aegis, displayed the snaky
head of the Gorgon, Medusa, in its centre.
* See iv. 433.
S4
I