Untitled - QueenDido.org

SILIUS ITALICUS
id Fortuna dedit, iunctam inter proelia mortem,
arma fuere decus victori bina Symaetho. 410
Sed longum tanto laetari munere casus
baud licitum Poenis. aderat terrore minaci
Scipio, conversae miseratus terga cohortis,
et cuncti fons Varro mali flavusque comarum
Curio et a primo descendens consule Brutus. 415
atque his fulta viris acies repararet ademptum
mole nova campum, subito ni turbine Poenus
agmina frenasset iam procurrentia ductor.
isque ut Varronem procul inter proelia vidit
et iuxta sagulo circumvolitare rubenti 420
lictorem :
" nosco pompam atque insignia nosco ;
Flaminius modo talis," ait. tum fervidus acrem
ingentis clipei tonitru praenuntiat iram.
heu miser ! aequari potuisti funere Paulo,
si tibi non ira superum tunc esset ademptum 425
Hannibalis cecidisse manu. quam saepe querere,
Varro, deis, quod Sidonium defugeris ensem !
nam, rapido subitam portans in morte salutem
procursu incepta, in sese discrimina vertit
Scipio ; nee Poenum, quamquam est ereptus opimae
caedis honor, mutasse piget maiore sub hoste 431
proelia et erepti Ticina ad flumina patris
exigere oblato tandem certamine poenas.
stabant educti diversis orbis in oris,
quantos non alios vidit concurrere tellus 435
" The first consuls, elected after the expulsion of the
kings in 509 b.c, were L. Junius Brutus and L, Tarquinius
Collatinus.
* These were never gained except by a commander who
slew the commander of the enemy ; and Varro was in
command that day : see note to iii. 587.
32