Llawlyfr Handbook 2010 - Hafan Pwllheli

8
Hysbysrwydd Yr Hafan
Rheolau'r Marina
Mae Hafan Pwllheli yn dilyn y canllawiau a gyhoeddir gan Gymdeithas yr Harbyrau Cychod
Hwylio a Ffederasiwn Diwydiannau Morol Prydain, sydd yn argymell y dylai pawb sy'n
defnyddio marina gael yswiriant trydydd parti o £3,000,000 o leiaf. Gellir cael copi o'r rheolau
a'r rheoliadau gan y dderbynfa.
Os byddwch yn cyflogi contractwr annibynnol i weithio ar eich cwch, rhowch wybod i ni
ymlaen llaw os gwelwch yn dda fel y gallwn sicrhau y gwneir popeth sydd ei angen a phopeth
sy'n ofynnol o safbwynt yswiriant yn y modd cywir.
Dylai perchnogion angorfeydd fodloni eu hunain eu bod wedi cymryd pob rhagofal rhesymol i
rwystro lladrad neu ddifrod. Mae ceir ac ôl-gerbydau'n cael eu parcio ar risg y perchennog.
Dylai pob ôl-gerbyd a chawell sy'n cael ei storio ar safle'r cwmni fod wedi eu marcio'n glir
gydag enw'r cwch neu enw'r perchennog.
Côd ymddygiad amgylcheddol
Amcan Hafan Pwllheli yw cynnal y cydbwysedd rhwng cychod hamdden a buddiannau
amgylcheddol. Rydym wedi ymrwymo i ddal i wella’n perfformiad amgylcheddol drwy
gyflawni ein dyletswyddau ynghylch cadwraeth a rheoli a gwella’r Hafan a’i chyffiniau.
Mae Hafan Pwllheli’n gweithredu côd glendid llym ac mae’n ystyried fod materion
amgylcheddol yn holl bwysig. Rydym felly’n mynnu y cedwir at y rheolau canlynol bob amser.
• Peidiwch â gollwng dwr budur o waelod y cwch na dwr budur arall e.e. o’r toiledau i’r
hafan nac i’r harbwr. Mae darpariaeth “pwmpio allan” ar gyfer tanciau cadw ar y cei
tanwydd a hefyd uned waredu gemegol.
• Darperir dwy sgip ar gyfer gwaredu gwastraff domestig. Mae hefyd gynwysyddion
arbennig ar gyfer gwaredu hen fatris, olew a hidlyddion o beiriannau a biniau ail gylchu ar
gael ar gyfer gwydr.
• Cofiwch osod cynfasau ar lawr pan fyddwch yn crafu paent gwrthffowlio oddi ar y cwch,
rhowch y crafiadau mewn bagiau a'u rhoi yn y bin gwastraff peryglus.
• Gofalwch nad ydych yn colli tanwydd wrth lenwi tanc y cwch.
• Gwaherddir llenwi tanciau tanwydd ar yr angorfeydd, defnyddiwch y cei tanwydd.
• Ni chaniateir chwythu graean neu dywod, llifanu na gwaith poeth heb ganiatâd penodol,
ysgrifenedig, Rheolwyr yr Hafan.
• Nid ydym yn caniatáu barbiciws nac unrhyw fath arall o dân agored ar yr angorfeydd nac
ar safle’r Hafan.
• Os yn bosibl, golchwch y cychod gan ddefnyddio pwysau d r yn unig, defnyddiwch
lanhawyr ysgafn dim ond pan fo wirioneddol raid. Peidiwch â defnyddio glanhawyr rhy
gawstig yn yr Hafan.
• Dylid ymarfer anifeiliaid anwes oddi ar safle’r Hafan. Mae man addas ar y penrhyn y tu
hwnt i'r parc cychod. Rhaid cadw c n ar dennyn ar yr angorfeydd bob amser. Peidiwch â
gadael i anifeiliaid anwes faeddu safle’r Hafan nac unrhyw dir cyfagos na gadael iddyn
nhw boeni perchnogion cychod eraill.
• Er mwyn hylendid cyhoeddus ac er mwyn cadw’r safle’n lân, peidiwch â bwydo’r bywyd
gwyllt o amgylch adeilad yr Hafan nac ar yr angorfeydd.
• Peidiwch â chwarae cerddoriaeth yn rhy uchel, byddwch yn ystyriol o bobl eraill.