Llawlyfr Handbook 2010 - Hafan Pwllheli

26
Gwybodaeth Cyffredin
Penrhyn llˆyn
Penrhyn Llˆyn yw trysor pennaf golygfeydd Cymru. O gopa'r Wyddfa i Ynys Enlli, ceir gwlad o
harddwch naturiol eithriadol ac mae llawer o rannau ohoni yn cael eu gwarchod gan yr
Ymddiriedolaeth Genedlaethol fel Arfordir Treftadaeth Cymru.
Mae'r wlad hon yn gyforiog o hanes crefydd gynnar a'r Eglwys Geltaidd. Ynys Enlli, ynys y llanw,
yw'r man lle claddwyd yn ôl traddodiad ugain mil seintiau. Ar y tir mawr, ceir sawl enghraifft o
eglwysi Cristionogol cynnar, megis Eglwys y Santes Fair ym Mryncroes lle roedd Ffynnon Fair yn
orffwysfan o bwys ar Lwybr y Pererinion i Enlli
Arfordir Treftadaeth y Gogledd
O Arfordir Treftadaeth y Gogledd ceir golygfeydd syfrdanol o gopaon urddasol yr Eifl. Gall
ymwelwyr â'r ardal fwynhau'r chwaraeon dˆwr penigamp a'r cyfle i frigdonni yn y bae mawr eang
sy'n ymestyn allan o Nefyn, Morfa Nefyn a Phorthdinllaen. Ym Mhorthdinllaen hefyd ceir cwrs
golff 27 twll - y gorau yng Nghymru, mae'n debyg.
Ym mhen draw'r penrhyn, ceir traeth hyfryd Aberdaron ac ym Mhorthor nid nepell o Aberdaron
mae'r tywod gwyn euraid yn chwibanu'n rhyfeddol o dan eich traed! Uwchlaw Porth Neigwl, yn
y Rhiw, ceir t^y hyfryd o'r enw Plas-yn-Rhiw, sy'n eiddo i’r Ymddiriedolaeth Genedlaethol. Plasty
bychan hardd o’r 17eg ganrif yw hwn ac yno ceir llawer o blanhigion anghyffredin a phrin yn
tyfu mewn gerddi addurniadol.
© A Green