Llawlyfr Handbook 2010 - Hafan Pwllheli

28
Gwybodaeth Cyffredin
Yr Arfordir Euraid
Ceir hafan hyfryd i hwylwyr ym Mhenrhyn Ll^yn - baeau diderfyn gyda thywod, clogwyni
ysgythrog a chilfachau cudd. Ceir digon o gyfle hefyd i chwarae golff a thennis, marchogaeth,
pysgota a cherdded.
Yn Abersoch ceir milltiroedd o draethau tywod gwych ac amodau delfrydol ar gyfer hwylio ac
mae llawer o bobl yn meddwl am y fan fel Rifiera Cymru. Mae'r dref lan môr draddodiadol hon
yn llawn swyn a phleser yw ymweld â hi.
Tref farchnad brysur yw Pwllheli, sydd bellach yn gartref i un o farinas gorau gwledydd Prydain.
Cofiwch ymweld â'r farchnad ar ddydd Mercher, a hefyd y ganolfan hamdden wych sydd yn y
dref hon. Ym Moduan mae hwyl i'w gael hefyd ym Mharc Antur Bodfel.
Ymhellach ar hyd yr arfordir yng Nghricieth mae castell gwych Llywelyn Fawr o'r drydedd ganrif
ar ddeg. Ym mhentref Llanystumdwy ger Cricieth ceir amgueddfa hynod ddiddorol a thaith
ganfod yn olrhain bywyd Lloyd George, un o'r areithwyr a'r gwladweinwyr mwyaf a gafodd
Prydain erioed.
Ym Mhorthmadog, mae'r Cob yn ffurfio harbwr hwylio deniadol. Tan yn gynharach yn y ganrif
hon, bu'r dref yn borthladd llongau prysur ar gyfer y fasnach lechi, gyda'r llechi'n cael eu cludo o
Flaenau Ffestiniog ar lein fach Ffestiniog, sydd bellach yn atyniad pwysig i dwristiaid. Adroddir
hanes morwrol yr ardal yn awr mewn amgueddfa yn hen warws llechi'r porthladd.
Ger Porthmadog, mae traeth braf Morfa Bychan, a phentrefi deniadol Borth y Gest a
Thremadog, pentref genedigol T.E. Lawrence, a ddaeth yn enwog fel Lawrence o Arabia.
Atyniadau lleol eraill yw Melin Wlân Bryncir yng Ngolan, Crochendy Porthmadog lle cewch roi
cynnig ar wneud eich crochenwaith eich hun, a phentref Portmeirion.
Eifionydd a Mynyddoedd Eryri
Mae ardal hardd Eifionydd a’i dyffrynnoedd ir, ei llynnoedd cudd a’i mynyddoedd creigiog
uchel. Beddgelert yw’r adwy i Eryri, ac mae’n ganolfan i ddringwyr ac i ymwelwyr sy’n dymuno
troedio’r llwybrau i gopa’r Wyddfa, Moel Hebog, Y Moelwyn a’r Cnicht. Ym Meddgelert, mae
Afon Glaslyn ac Afon Colwyn yn uno i lifo drwy Aberglaslyn gyda’i olygfeydd ysblennydd. Ceir
cyfoeth o ddyddodion mwynol yn llynnoedd a chreigiau rhewlifol yr ardal ac mae’n bosibl
ymweld â Gwaith Copr Fictoraidd Sygun.
© A Green