Contos de ida e volta Contos de ida e volta Contos de ida e volta

Unha vez a un arrieiro fíxoselle noi-
te no camiño e tivo que pedir pousada
nunha casa en que vivían dúas mulle-
res e un home. Logo de meter o macho
na corte foi para a cociña onde, despois
de cearen os catro, o amo estricouse no
escano e durmiu alí mesmo. O arrieiro,
vendo a actitude do outro, deitouse
tamén nunha esquina da cociña e fixo
o durmido, pois notaba algo raro na
xente daquela casa e prefería quedar
un anaco á espreita. De alí a unha miga
as súas sospeitas confirmáronse, pois
unha das mulleres díxolle á outra:
—O pai dorme e o arrieiro tamén.
E a seguir chucháronlle o sangue ao pai,
untáronse cunha especie de unto que
tiñan agochado nun furado e saíron
voando pola cheminea.
O arrieiro, que o vira todo polo rabo do
ollo, sen pensalo un intre colleu a agui-
llada e fregouse tamén con aquel unto.
c o n t o s d e i d a e v o l t a
O a r r i e i r o e a s m e i g a s
Ao momento saíu tamén voando pola
cheminea e apareceu nun prado no me-
dio do monte, onde estaban as meigas
todas danzando e beixándolle o cu a un
carneiro. Cando lle tocou a el a vez de lle
beixar o cu, no canto disto picoullo coa
aguillada, e o carneiro exclamou:
—Esa que pase e non beixe que ten a
barba moi dura!
A rolda de meigas volveu pasar beixán-
dolle o cu ao carneiro, e o arrieiro vol-
veu facer o mesmo, ao que o carneiro
volveu contestar co mesmo retrouso.
De alí a un anaco o carneiro desapare-
ceu, e ás dúas meigas hospitalarias non
lles quedou máis remedio ca levar de
volta para a casa o ousado arrieiro, pois
aquela noite déranlle pousada.
21