Mundo Guaraní - Secretaría Nacional de Cultura

Che sapatu
Che pýre péina areko
Sapatu sorokuemi.
Ha’e to’ysã omondo
Ha che rete omopotĩ.
Ha’éku okýrõ omo’ã
Tujúgui che pypyte.
Ha ndohejai omona
Che rekoha mba’eve.
Tové ra’e ñuatindy
Che rape toñuãmba;
Tové ra’e tojeity
Cherehe mba’e ky’a.
Tové ku ñe’ẽ meguã
Che rekove ombyaise
Ha cherehe topu’ã
Opaichagua kũ raimbe.
Tové ra’e tojopy
Che rekove mba’ero,
Taiporara ñembyasy,
Tairo’y che korasõ;
Tové ra’e taikangy
Mba’apópe che ñe’ã,
Tẽra ty’ái tosyry,
Tojohei che retyma…
Neĩma che sapatu
Che py mimi ombyetia’e,
Apo yvate ha ipyahu
Jeý vaicha che rete.
301