1. Curso de Español A1 primera copia completo

Straitéisí Foghlama
Tarlaíonn foghlaim teanga laistigh agus lasmuigh
den seomra ranga. Ní mór duit deiseanna a
chruthú duit féin le héisteacht, le labhairt agus le
scríobh lasmuigh den seomra ranga. Bíonn a
b(h)ealach féin ag gach duine le rudaí a fhoghlaim,
agus ní mór duit do chuid straitéisí féin a
fhorbairt leis an bpróiseas foghlama a dhéanamh
níos éasca agus níos tairbhí. Pléifear straitéisí
foghlama ar feadh an Dioplóma. Seo thíos tá
roint leideanna a chabhróidh leat:
Coinnigh leabhar nótaí Spáinnise.
Tá sé tábhachtach go ndeanann tú cleachtadh ar a
bhfoghlaimíonn tú sa seomra ranga lasmuigh den
seomra ranga. Cleachtadh a dhéanann
máistreacht.
Coinnigh leabhar nótaí beag i do phóca le focail agus leaganacha nua a scríobh ann – nó
bain úsáid as d’fhón póca!
Má léann tú os ard duit féin iad cúpla uair i rith an lae, foghlaimeoidh tú i bhfad níos sciobtha iad.
Foghlaim focail agus leaganacha a mbainfidh tú úsáid astu go laethúil. Déan cleachtadh orthu le mic
léinn eile ón rang agus le cainteoirí Spáinnise a mbuaileann tú leo. Éist leis an dlúthdhiosca a thagann
leis an gcúrsa..
Éist leis an dlúthdhiosca gach lá agus triáil aithris a dhéanamh ar fhoghraíocht agus ar
thuin cainte na gcainteoirí.
Cuirfidh sé seo lena bhfuil foghlamtha agat sa rang. Is féidir na rianta a sheinm arís agus arís eile leis an
bhfoclóir a fhoghlaim nó is féidir leat éisteacht le ceachtanna nach bhfuil déanta sa rang go fóill, ag
díriú ar chúrsaí foghraíochta. Sa bhealach seo, is féidir leat brí na bhfocal agus na leaganacha a
fhoghlaim níos deireanaí sa rang. Moltar go n-úsáideann tú cúpla cur chuige a oireann do do stíl
foghlama féin.
21