LOS RESISTENTS DE JAN PETIT-QUI-DANÇA

LABARRACA - Jo, ne coneishi pas a d'arres. La règla qu'ei la règla !
FELIPÒT - A tu, hòu, Labarraca ! Lavetz, se ne't digui pas lo mot de passa, que'm deishas
dehòra?
LABARRACA - Exactament ! E enqüèra urós que n'agis pas tocat d'aquera (qu'amuisha la
matraca), per darrèr las aurelhas, en prima !
FELIPÒT - A Miladiuvivant ! Dens quina galèra e'm soi anat hicar, jo, enqüèra !
ELIA (en se n'arrider) - Lo noste amic Serafin Labarraca qu'a rason.
CLÒVIS - Quiò, quiò, ...Sijam prudents !
ELIA - Que cau aplicar las consinhas dab hèra de rigor, sustot que la situation ne va pas
vader aisida.
FELIPÒT(qui reconeish Elia,que l'abraça amistosament) - E donc, aci qu'es, tu ! Çò que soi
content de't tornar véder .
ELIA - Jo tanben, figura't. E que soi enqüèra mei urosa de't saber dab nos ...
FELIPÒT - Praube de tu ! Se sabès quin soi estat revoltat quan ètz partits. E Jan, quin lo va ?
CASSORET (qui escota despuish ua pausòta un pòste de radiò, l'aurelha pegada a
l'aparelh, que puja còp-sec lo son en reclamar lo silenci) - Cho ! L'emission que va
començar ...
(tots que s'apressan deu pòste qui emet sus l'aire de la Cucaracha) .
" N'i a qui menteishen N'i a qui menteishen
N'i a qui s'engreishen N'i a qui s'engreishen
Au patac, tots qu'anaram... Los petits defenderam....
LA BERNASHÒTA - Jo, la musica, que'm balha tostemps enveja de dançar.
LOS AUTES - Cho !
La VOTZ deu pòste - Aciu Radiò de l' Ombra ...Los paisans que parlan aus paisans ...
(musica)
LO PÒSTE - A nueit, mei que jamei, demoratz a l'escota. Dens ua pausòta, lo Comandant de
la seccion "La Toja qui Shaca" que'vs va parlar en dirècte.
CASSORET - E donc hòu ! Lo Big Boss !!
FELIPÒT - Cho ! Escotatz ! ...
LO PÒSTE - Lo Comandant de la seccion "La Toja qui Shaca" que'vs parla.
" N'èm pas, nosautes, passeistas en esclòps. Ne ploram pas suus paradís perduts. Que sabem,
lo noste mestièr de paisan qu'a hère cambiat despuish las originas. Qu'èm prèsts entà las
18