LOS RESISTENTS DE JAN PETIT-QUI-DANÇA

PROLÒGA
( la canta de Jan Petit, cantada per mainats...Arron un moment, que baisha...)
VOTZ DE MAINAT (off) - Mes, perqué dança Jan Petit ?
VOTZ ADULTA (off) - Perqué dança Jan Petit ? E donc, qu'estò ua dròlla de dança ...e ua
dròlla d'istuèra...plan trista ...
Jan Petit que vivè a Vilafranca de Roèrga, en 1643...
Qu'èra medecin e atau, tot dia, qu'avè lo parat de constatar la misèra deu monde rurau. Lavetz,
que prenó lo partit deus Croquants, d'aqueths paisans harts de pagar impòsts e corvadas. E, au
cap de la lor susmauta, que's pensà poder negociar dab las autoritats, pr'amor qu'èra òmi de
patz. Mes, que'u gahèn per trahida, que'u condamnèn a estar arroderat. E aquiu, estacat a
l'arròda, qu'estò trucat com tèrra...Quan lo borrèu l'esglaishè lo pè, e la cama, e lo braç, e la
man, e lo dit, e lo cap ...atau que dancè ua dròlla de dança lo praube Jan Petit...
E atau lo suplici de Jan Petit qu'estò guardat dens la memòria deus òmis gracias a ua
cançoneta de mainat... E vedes, shens ac saber, en cantar "Jan Petit qui dança" que hès viver
lo sovier d'un òmi de ben, d'un resistent qui sabò díser non a l'opression deu praube monde.
(la canta que tòrna pujar )
2