LOS RESISTENTS DE JAN PETIT-QUI-DANÇA

LABARRACA (miaçant) - Quiò, hèra luenh !
CLOVIS - Jo ... que'm resèrvi ...
ELIA - Que t'ac prometi, que vau har passar lo messatge ....E, tè, que'n vau parlar
personaument au Baron Verd.
FELIPÒT - A ! Quiò ! Au Baron Verd.
ELIA - Ne i a pas qu' eth, qui pòt trobar ua solucion. Aqueth tipe, qu'a autant d'imaginacion
com d'audàcia ... Ne serí pas tròp suspresa que'u tornassitz véder, un d'aquestes dias ...
FELIPÒT (en escarnim lo Baron) - Pòts créder, que's haré, a nosaut's plan de gai
Deu tornar véder aciu tà trincar dens lo chai !
TOTS (en se n'arríder) - Bravò, Felipòt !
ELIA - Lo Baron Verd qu'estó hèra impressionat, l'aute dia per lo vòste grop. Que soi segura
que ne mancarà pas de v'aidar .
NEGRE
Jan Petit que Dança
- HÈITA 23 -
( La sala comuna de la bòrda Lacassanha. Roseta e Maurici que son vestits sus lor 31.
Qu'atenden visitors d'importencia. Estève, com tot dia, que lei, tranquille dens un cuenh e la
soa atituda que contrasta dab la nerviósitat deus pairs)
MAURICI (en espiar l'òra) - Que deven arribar a onze òras. Mes que m'estonaré
qu'arribassin a l'òra. Ó lavetz, ne serén pas fonccionaris. E enqüèra mens, fonccionaris
euròpencs.
ROSETA (en arrantjar la caravata de l'òmi) - Quin t'ès atifat !
MAURICI - Ne van pas, en sus, espiar s'èi hicat la camisa com cau e s'èi la caravata de
truvèrs !
ROSETA - La presentacion ...a còps ...que pòt influençar ! (a Estève) Tu, que t'aurés totun
podut vestir drin mei plan ...
MAURICI - Se m'avèn dit que devossi jo passar un examen ...au men atge ! ... Un" examen
d'agricultura generau " que disen ! E tu, lo ton diplòme d'engenhaire agronòma ne'us sufeish
pas !
38