You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
MOVE22, ynternasjonale<br />
jongereinútwikseling yn it<br />
Bûtefjild<br />
Boerderij De Omleiding en Landgoed Mariahoeve,<br />
beide oan it Bûtefjild, wiene begjin july it toaniel fan<br />
it ynternasjonale útwikselingsprojekt MOVE22 (My<br />
Open Village Europe). Ienentweintich jongeren tusken<br />
de 16 en 22 jier en seis folwoeksen begelieders<br />
út lytse doarpen yn Servië, Kroäsië, Grikelân, Litouwen,<br />
Ierlân en Fryslân/Nederlân kamen dêr foar in<br />
wike byinoar om mei-inoar nei te tinken en te praten<br />
oer de takomst fan plattelânsdoarpen yn Europa.<br />
tusken de minske en it wetter lâns de Nederlânske en<br />
Fryske kust. It fenomeen fan it drûchfallend Waad kenden<br />
de measten net en de kâns om op de seeboaiem<br />
om te stappen, waard fansels net oerslein.<br />
Sjoerd Litjens, bekend fan it projekt Iepen Doar(p) yn<br />
Feanwâldsterwâl, die in workshop mei de jongeren oer<br />
de betsjutting fan ‘thús’. Watfoar thúsgefoel ha se by<br />
it plak, it doarp dêr’t se wenje? Mei harren ferhalen en<br />
stimmen hat hy in treffende ferzje makke fan it nûmer<br />
‘Seis oere thús’ fan Nynke Laverman, dat de sjongeres<br />
skreau foar Ljouwert-Fryslân 2018.<br />
Wat binne de oerienkomsten en wat de ferskillen<br />
tusken de ferskate doarpkes? Hoe wie it en hoe<br />
sil it de kommende jierren wêze? Oer al dat soarte<br />
dingen waard diskussearre. Ut Feanwâlden en Feanwâldsterwâl<br />
diene Titia Groenhof en Janneke van<br />
der Mark mei oan de útwikselingswike.<br />
Fansels waard der net allinnich praat, der waard<br />
ek fan alles dien en ûntdutsen. Op de camping by<br />
De Omleiding en ek by de Mariahoeve namen de<br />
jongeren diel oan workshops fersoarge troch de<br />
begelieders, dy’t allegear aktyf binne yn de kulturele<br />
wrâld yn harren eigen lân. Der waard ‘boarte’ mei<br />
taal, materiaal en ekspresje.<br />
Alle ûnderfiningen fan de hiele wike waarden ferwurke<br />
yn in einfoarstelling dy’t de jongeren op de slotjûn opfierd<br />
ha by de Mariahoeve fan Romke Kinderman. It liet<br />
‘Seis oere thús’ mei harren ferhalende stimmen deroerhinne<br />
wie dêr prachtich yn opnaam. Foar it publyk<br />
hiene de jongeren hearlik tradisjoneel iten út eigen lân<br />
klearmakke, sa as tzatziki út Grikelân en colcannan út<br />
Ierlân. It wie in moaie ôfsluter fan in fantastyske wike,<br />
dy’t nei alle gedachten takom jier in ferfolch krijt yn wer<br />
in oar lân.<br />
RK<br />
In ploechje fan fiif jongeren die sels mei oan de<br />
Lodenhelrun, as earste ynternasjonale team ea. Se<br />
fûnen it in swiere, mar geweldige erfaring. Ek brocht<br />
elkenien in besite oan it doarp Wierum, flakby de<br />
Waadsee. Op de seedyk learden se oer de striid<br />
16<br />
MOVE22 is in inisjatyf fan Stichting Bewegend Beeld,<br />
mei Guido Bosua as projektlieder. It is in sydline fan in<br />
langer rinnend projekt wêryn’t, ynspirearre troch it projekt<br />
Iepen Doar(p) út 2018, it libben en de minsken yn ferskate<br />
Europeeske doarpen fêstlein wurdt. Ferline jier waard<br />
de útwikselingswike yn Kroäsië hâlden. Iepen Doar(p)<br />
wie in projekt fan Sjoerd Litjens. Alle 129 húshâldingen<br />
fan Feanwâldsterwâl waarden fêstlein yn prachtige<br />
audioportretten. Yn it kulturele haadstêdjier 2018 binne<br />
se útstjoerd by Omrop Fryslân en je kinne se no ek noch<br />
altyd weromharkje op de webside iependoarp.eu.