InForMATIonEn ZU DEn sTUDIEn - Portail du Grand-Duché de ...

8
la réunion européenne des étudiants
luxembourgeois (reel)
REEL 2012 zu Oochen
Wat ass d’REEL iwwerhaapt?
Op der REEL (Réunion européenne des étudiants luxembourgeois) treffen sech all Joer bis zu 150 lëtzebuerger Studenten
déi iergendwou an Europa studéieren fir zesummen mat Leit aus Politik a Wirtschaft iwwer aktuell Problemer ze schwätzen.
Op der REEL huet een awer och d’Geleeënheet fir mat verschiddene Firmen déi zu Lëtzebuerg aktiv sinn a Kontakt ze
trieden fir eventuell Stagen, Ofschlossaarbechten oder och spéider eng Plaz ze kréien.
Net ze vergiessen ass awer, dass d’REEL eng flott Méiglechkeet ass fir eng nei Stad kennen ze léieren, net esou wéi een
typeschen Tourist se kenne léiert mee esou wéi d’Studenten vun do se erliewen.
Zu gudder läscht ass d’REEL eng Plaz wou ee wonnerbar kann nei Leit kenne léieren déi di nämlecht Interessi vertrieden
wéi ee selwer.
Wien organiséiert d’REEL?
All Joer mellt sech en aneren lëtzebuerger Studentecercel fir d’REEL an senger Unisstad ze organiséieren. No Bréissel,
Zürech, Karlsruhe, a villen anere Stied wäert dëst Joer d’REEL erëm zu Oochen sinn. Zesumme mat der ACEL këmmeren
sech Studenten aus dem Cercle vun Oochen, dem AVL (Akademischer Verein d’Lëtzebuerger) em d’Organisatioun. Eist Ziel
ass et den Participanten eng interessant, ofwiesslungsräich an virun allem eng onvergiesslech REEL ze bidden.
Wat gëtt gebueden?
D’REEL vun dësem Joer leeft ënnert dem Thema: “Technischer Fortschritt: Von der Wissenschaft getrieben, von der Gesellschaft
gebremst?“ Oochen ass bekannt fir seng Technesch Uni (RWTH), wat och de Grond ass firwat mir eis fir dëst Thema
entscheet hunn.
Wann dat iech awer net interesséiert ass dat kee Grond fir net mat ze goen well nieft der Table ronde zu dësem Thema ginn
och nach eng ganz Rei aner Saache gebueden. Hei e klenge Virgeschmaach op eise Programm:
• Débat mam Héichschoulminister François Biltgen;
• Oochen entdecken, d’Studenten- an d’Nuetsliewe kenne léieren;
• Visiten ewéi d’Kuelekraaftwierk zu Weisweiler oder d’Rathaus an d’Domschatzkammer;
• Sponsorvirträg am Tivoli, dem Fussball Stadion vun Oochen;
• Gala-Dîner an enger renovéierter Maschinnenhal, Brunch an de kréinenden Ofschloss, d’Rittermahl.
Wann et iech Interesséiert, de komplette Programm a sämtlech Informatiounen fannt dir ob eisem Internetsite:
www.reel.lu
Mir hoffen iech vum 11. bis den 14. Oktober 2012 zu Oochen kënne wëllkomm ze heeschen.
Den Organisatiounscomité