InForMATIonEn ZU DEn sTUDIEn - Portail du Grand-Duché de ...

Doctoraat (Dokter)
No engem WO Masterdiplom huet een nach d’Méiglechkeet,
den héchsten akademeschen Titel ze erreechen, den
Doktertitel. De Studium fir een Doktertitel gëtt „promoveren“
genannt. Dësen Titel kann een erreechen, andeems een eng
„Proefschrift“ schreift an andeems ee wëssenschaftlech Artikele
publizéiert, déi op eegene Recherchë baséieren.
Aschreifdélaië
An den Héichschoulen souwéi op den Unië sinn d’Aschreifdélaien
ëmmer Mëtt Abrëll. Op www.cedies.lu fënnt een eng
Brochure mat Informatiounen iwwert Schoulen an Holland.
Eng aner Méiglechkeet ass http://universiteitenstartpagina.
nl.
Studiepunten
Am Bachelor-Mastersystem gëtt de Schwéierpunkt vun de
Fächer unhand vu „Studiepunten“ uginn. Ee „Studiepunt“
steet fir 28 Stonne Schoul plus déi Zäit, déi ee selwer soll a saï
Studium investéieren. Ee Schouljoer besteet aus 42 Woche vu
jeeweils 40 Stonnen, also 1690 Stonnen am Ganzen. Et mussen
also 60 Punkte pro Joer erreecht ginn (1690/28 = 60). Um
Ufank vun all Schouljoer gëtt ee gewuer, wéivill Punkten all
Fach wäert ass. Déi 60 Punkte mussen net onbedingt innerhalb
vun engem Joer erreecht ginn, fir an dat nächst Joer
kënnen ze goen. Mä fir de Schlussdiplom. Ee Schouljoer ass
och an 4 Deeler opgedeelt. Dat bedeit dass e Cours nëmmen
iwwer 7 Wochen geet an een duerno direkt seng Examen
huet.
Wat kann een an Holland alles studéieren
Am Fong kann een an Holland quasi alles studéieren, mä
virun allem ass et bekannt fir kreativ Studien, wéi z.B. de
Musikstudium. Interessant sinn awer och déi Studien déi op
englesch gehale ginn, wéi ënner anerem europäescht Recht
(Maastricht) a Kiné (Amsterdam / Groningen / Eindhoven /
Enschede). Weider kann ee Schëffsbau, Industrial Design
a Loft- a Raumfahrt zu Delft studéieren, wat net an all Land
ugebuede gëtt.
132
niederlande
Wunnen a käSChten
Et ass eigentlech onméiglech ze soen, wéi et mat der Wunnsituatioun
an Holland ass, well dat vu Stad zu Stad ënnerschiddlech
ass. Mä am grousse Ganzen ass et an Holland éischter
schwiereg, fir eng Wunneng ze fannen. Mat enger Wunneng
ass an deene meeschte Fäll einfach een eenzelt Zëmmer an
engem Studentenhaus oder bei enger Famill doheem gemengt,
wou een da Kichen a Buedzëmmer mat anere Studenten
deelt. D’Käschte leien duerchschnëttlech ëm déi 300 Euro
pro Mount. Et ass empfehlenswäert, fir sech fréi op d’Sich no
enger Wunneng ze maachen. Et kann ee sech zum Beispill op
verschiddenen Internetsäiten aschreiwen, wéi z. B.: www.
kamernet.nl, www.kamerhulp.nl, etc. Verschidde Schoule bidden
och selwer Zëmmeren un, dëst zielt besonnesch fir déi
Studenten, déi aus dem Ausland kommen.
De CerCLe
Mir, d’Luxemburgse Studenten in Nederland, sinn nach ee
ganz jonke Cercle. Eis gëtt et eréischt zënter dem Dezember
2005. Vu datt an all Stad nëmmen e puer vereenzelt Lëtzebuerger
studéieren a se duerch dat ganzt Land verspreet sinn,
representéiert den LSNL d’Lëtzebuerger aus ganz Holland. Am
Moment ëmfaasst den LSNL ëm déi 20 Memberen, déi zu Amsterdam,
Rotterdam, Maastricht, Utrecht, Den Haag, Leiden,
Delft an Enschede studéieren. Ënnert eis si vill Museksstudenten,
awer och Juristen, Tountechniker, Kinési therapeuten,
Schëffsbauingénieuren, Ökonomen an Nanowëssenschaftler.
Well mir alleguerten a verschiddene Stied studéieren a
liewen, ass et onméiglech, fir eis all Woch ze treffen. Mir
probéieren dofir regelméisseg Aktivitéiten ze organiséieren,
fir a Kontakt ze bleiwen. Duerch de Kontakt, dee mer mam
lëtzebuerger Ambassadeur an Holland, dem Här Jean Graff,
opgebaut hunn, kréien d’Membere vun LSNL d’Méiglechkeet,
un interessanten Evenementer, déi d’lëtzebuergesch Ambassade
an Holland regelméisseg organiséiert, deelzehuelen. Sou
ware mir zum Beispill während der Statsvisite vun der Groussherzoglecher
Koppel an Holland am Fréijoer 2006 op d’Receptioun
vun der Ambassade invitéiert. Mir waren en Dag zesummen
op Amsterdam, wou mer eis d’Stad e bëssen ugekuckt
hunn. Am Hierscht 2007 hu mer fir de Fussballmätch Lëtzebuerg
géint Holland eisen éischten Intercercle organiséiert.
Mir hoffen, iwwert dëse Wee interesséiert Lëtzebuerger ze
erreechen. Mir hëllefe gär jidderengem weider, dee wëllt an
Holland studéiere goen.
Zéck net, fir eis ze kontaktéieren!
Dëst kanns du maachen iwwert lsnl.comite@gmail.com oder
op eiser Homepage www.lsnl.lu.