InForMATIonEn ZU DEn sTUDIEn - Portail du Grand-Duché de ...

usa & canada
usa & canada
Luxembourg Students in North America (LSINA)
E-Mail: lsina.comite@gmail.com
Kontakt: weynandt.michel@gmail.com,
larissa.moutrier@gmail.com
LsInA
WIE sI MEr?
Mir, d’Luxembourg Students in North America, sinn nach ee
ganz jonke Cercle. Eis gëtt et réischt offiziell zënter dem 26.
Dezember 2007. Vue dat mir Lëtzebuerger vereenzelt duerch
d’USA a Kanada verstreet sinn, representéiert den LSINA also
d’Lëtzebuerger aus ganz Nord Amerika. Am Moment ëmfaasst
den LSINA ëm déi 20 Memberen, déi gréisstendeels zu Oxford
op der Miami University of Ohio studéieren. Ënnert eis si ganz
vill Business Studenten, mä mir studéieren awer och englesch
Literatur, Graphik Design, Musek, Spuenesch, Physik a sinn
och an aneren Aktivitéits-Beräicher wei Sport gutt vertrueden.
D’Membere vun eisem Comité sinn de Moment alleguer
op der Miami University am Ohio an treffe sech eemol am
Mount. Mir organiséieren awer och regelméisseg Lëtzebuerger
Owenter fir a Kontakt ze bleiwen.
THE HIgHEr
EDUCATIon sysTEM
Undergraduate
En général dauert “undergraduate” Studienzäit véier Joer. Déi
meescht Uni‘en verlaangen, datt een en “Test of English as a
Foreign Language” gemaach huet (TOEFL, oder aner Tester,
deemno wat d’Uni verlaangt) wann ee sech als internationale
Student fir “undergraduate studies” umellt. Fir déi Tester
fënnt een och Informatiounen online, zum Beispill ënnert
www.ets.org/toefl/. No komplettem Ofschloss vun engem
“undegraduate” Studium kritt een dann um Enn en “Bachelor
Degree”. Entweder e B.A. (Bachelor of Arts) oder e B.S.
(Bachelor of Science). E Virdeel ass, datt ee ka villsäiteg kombinéieren
a verschidde Fächer wielen, déi een interesséieren,
falls een nach net sécher weess, wat ee studéiere wëll. An
deem Fall ass een “undeclared” a ka sech am éischte Joer décidéieren,
wat ee genee als Haaptfach wiele wëll. Meeschtens
studéiert een en Haaptfach (major), mä da kann een awer och
do derbäi nach en Niewefach (minor) oder souguer en zweet
Haaptfach (an deem Fall heescht et dann “double major”)
wielen.
Undergraduate grading system
Als undergraduate Student gëtt ee konstant getest, anescht
wéi et elo zum Beispill op europäeschen Unien ofleeft. Et huet
ee während engem Semester sougenannt “quizzes” (Genre
Blitzprüfungen), an dann och een oder zwee “midterms”. Dat
sinn Zwëscheprüfungen, woufir een da léiere muss, wat ee
bis dohinner am Cours absolvéiert huet. De Virdeel dorunner
ass, datt een dann net ee groussen Examen um Schluss
vum Semester huet, woufir een alles léiere muss (hänkt awer
natierlech och ëmmer nees vum Professer of). Et huet een
da just en “final exam” zum Schluss, deen am Fong just e méi
laangen “midterm” ass. Punkte gi verdeelt op enger Skala
vun 0-100 %, wat och den equivalent ass vun engem A (oft
tëscht 80-90%) oder engem 4.0 GPA (= grade point average),
dat wier bei eis en Excellent. Da geet et weider mat engem B
(70-80%), engem C, dann D, a mat engem F ass een duerchgefall
(“Failure”). All Unissite huet och do eng genee Erklärung
vun hirem jeeweilegen “Grading System”. Et muss ee sech
ebe bewosst sinn, datt dee System konstant Schaffen iwwert
d’ganzt Semester verlaangt. Participatioun am Cours gëtt och
héich geschriwwen, vue datt Klassen oft net méi wéi 20-30
Studenten hunn.
Postgraduate
Fir “postgraduate”, d.h. Master Studie muss een e BA erfollegräich
ofgeschloss hunn. Falls ee säi BA net an engem englesch
sproochege Land ofgeschloss huet, verlaange verschidden
Unien en sougenannten “Test of English Language Proficiency”.
Ënnert dem Paragraphe “undergraduate” ass dat
kuerz erkläert. D’Studien daueren en règle zwee Joer. Ganz
wichteg ze wëssen ass datt ee fir dës Studie fir d’USA en Test
maache muss, dee sech ofhängeg vun deem wat ee studéiere
well GRE, GMAT, MCAT oder LSAT nennt. Et ass e Genre Se-
135