06. Serat Centhini Jilid 06 (PDF) - Adjisaka.com

171. Anèng paningrat adhêmit |
pasareyan kanthil rusban |
têrtib gêdhong anèng ngèmpèr |
wus anèng jro pagêdhongan |
bisik-bisik ngandika |
Surat di-mrene wong bagus |
sarwi kinèn anêkêma ||
172. Gus Suratin kinapithing |
pipyalus ingarasan |
pan linênggak-lênggakake |
ginulingakên ing rusban |
tansah pinriyêmbada |
dadya rêp-arêpan mujung |
lathinira cinêcêpan ||
173. Gus Surat sêndhêt tyasnèki |
dhuh wong bagus mirah ingwang |
paran sira jaluk anggèr |
sesuk yèn mapag pangantyan |
sore ing wayah Ngasar |
pêrabot ing sadhêmênmu |
sun kang paring mring ing sira ||
174. Sarwi ingungkurkên aris |
wastra rinantan tinaman |
ing warastra ling ature |
ywa dangu-dangu kewala |
kawula sawêg susah |
Jèngraga aris awuwus |
susah paran sira mirah ||
175. Sun kang nglêjarkên sirèki |
ywa kongsi kusut cahyanta |
owêl manisira radèn |
sira matura pêsaja |
kang dadi wot tyasira |
gus Suratin aturipun |
sakit padharan kawula ||
176. Mulês sadintên tan mari |
pan botên kèndêl wawratan |
mila ywa dangu kemawon |
yèn kenging nyuwun apura |
maklum dalêm kewala |
manawi têmahan saru |
kawula jrih ing paduka ||
177. Jèngraga osiking galih |
iki wong katula-tula |
prasasat mapag tanggale |
karsane iya jêg nora |
kapriye kiyè mana |
nulya banène si Sêtu |
< Serat Centhini Jilid 06 - Halaman : 166 >
Jilid 6 - Kaca : 122