06. Serat Centhini Jilid 06 (PDF) - Adjisaka.com

pan la ilaha ilalah |
nut panjang wêtuning napas |
tanasubing mukaranah |
ngling ing ati sanubari ||
27. Ya la ilaha ilalah |
pan ora nana Pangeran |
anging Allah ingkang Êsa |
kang andadèkkên sadaya |
kudu mangkono ciptanya |
tan kêna kasêlan basa |
ing dalêm sajroning cipta |
dene tarekating wirit ||
28. Lapal ilalah ilalah |
nut napas kang manjing mêdal |
tanasubing mukaranah |
pamupusing ati puat |
anging Allah kang sunsêmbah |
pan mangkono tan kêna ra |
yayi ywa kanti kasêlan |
liyan osik kang kadyeka ||
29. Dene kakekating wirit |
lapalira Allah Allah |
nut tanapas manjing mêdal |
tanasubing mukaranah |
unining ati maknawi |
angandêl nyataning Allah |
kudu mangkono kang cipta |
tan kêna kasêlan liyan ||
30. Dene makripating wirit |
hu hu hu lapalira |
pan anut wêtuning nupus |
tanasubing mukaramah |
pamuwusing ati siri |
Allah pan uripe langgêng |
mangkono tan kêna nora |
ana dene napas ika ||
31. Ingkang mêdal saking lesan |
anpas kang mêdal ing karna |
tanapas kang mêdal netra |
nupus kang mêdal ing grana |
dene wiriting sarengat |
apan wirit Satariyah |
apan kaji salatira |
ambuntu tigang prakara ||
32. Karna netra grananira |
amêngakakên sajuga |
mung lesan apêngallulah |
dene wiriting tarekat |
< Serat Centhini Jilid 06 - Halaman : 277 >
Jilid 6 - Kaca : 208