06. Serat Centhini Jilid 06 (PDF) - Adjisaka.com

11. Myang gudhang kulup mêpêki |
jangan pindhang bobor loncom |
sêkul gorèng pulên punar wuduk |
myang rampadanèki |
ingkang kinarsan ana |
janganan ulam-ulaman ||
12. Ki Pangulu Basarodin |
dènnya nadhah ngramês kokoh |
cekoh mojar wawi ngriku |
adhi Jamal Jamil |
kang nênêm kalih kula |
sami krana Lah kewala ||
13. Jayèngraga angêjèpi |
mring Jamal Jamil wong loro |
ingkang sinasmitan samyandhêku |
ing sêmu wus tampi |
mangkana Jamil Jamal |
angangsêg dènnira sila ||
14. Samya angling anangguhi |
wong têlu kokoh aserob |
samya drêmbanira thêkul-thêkul |
andhêngèngèk kudhi |
Pangulu lêga tyasnya |
kaecan dènnya anadhah ||
15. Dangu antaraning bukti |
Ki Pangulu pantog tinog |
ngling Ki Kulawirya kang Pangulu |
saiki lèh tandhing |
binut ro Gathutkaca |
Antarêja Antasena ||
16. Lah mêngko kalah kang êndi |
pêthèkku kalah kang roro |
Ki Pangulu saya nyêrang puluk |
abikut pakolih |
tumpêng sawiji têlas |
ulam sarampadan bebas ||
17. Jangan sakuwali ênting |
bêsêngèk bêtutu opor |
kari balung (ng)glethak bantu sêkul |
punar pulên gurih |
miwah kupat balendrang |
ambandrêng dènnira nadhah ||
18. Akokoh balendrang pêtis |
sambêl têlas lalab lombok |
pan urap-urapan carub wor-suh |
puluke sabithi |
akrêp tan tulatènan |
< Serat Centhini Jilid 06 - Halaman : 292 >
Jilid 6 - Kaca : 220