06. Serat Centhini Jilid 06 (PDF) - Adjisaka.com
06. Serat Centhini Jilid 06 (PDF) - Adjisaka.com
06. Serat Centhini Jilid 06 (PDF) - Adjisaka.com
Create successful ePaper yourself
Turn your PDF publications into a flip-book with our unique Google optimized e-Paper software.
asare anèng mandhapa |<br />
maksih pêpak kang rayi tan ana arip |<br />
myang putra kalihira ||<br />
16. Kyai Bayi angandika aris |<br />
mring kang garwa apa wis putranta |<br />
guling nèng tilam karone |<br />
Ni Malarsih umatur |<br />
inggih kados sawêg puniki |<br />
sadangunipun salat |<br />
atangat ing dalu |<br />
anèng tajug pamêlêngan |<br />
lagya enggal punika bakdanirèki |<br />
kawula wus apasrah ||<br />
17. Sawusipun kula lajêng mijil |<br />
Ki Baywa ngling ya Allah kamdulillah |<br />
angandika mring putrane |<br />
miwah mring arinipun |<br />
padha tutugêna tan guling |<br />
kang maca kang trêbangan |<br />
miwah ngaji Usul |<br />
kang dolan catur wong-wongan |<br />
lèk-lèkanana sawêngi aywa na guling |<br />
ingsun turu priyangga ||<br />
9 Sèh Amongraga manjing pasareyan, amrayogèkakên ingkang garwa supados<br />
sare ing tilamsari amargi mêsthi sayah sasontên tanpa kèndêl. Nikèn<br />
Tambangraras sar-saran manahipun, matur supados ingkang raka kemawon<br />
sare ingkang sakeca, awakipun trimah wontên ing jawi. Astanipun<br />
Tambangraras katarik sêsarêngan manjing pasareyan, samir katutup.<br />
Sèh Amongraga mêjang garwanipun bab ngèlmu agami, bab sajatining<br />
sahadat, rukuning salat, dununging raos sêjati, kuwajibaning èstri, pasrah<br />
dhiri dhatêng kakungipun wilujênging palakrami. Ing salêbêtipun Sèh<br />
Amongraga mêjang garwanipun, Ni Cênthini tansah nênggani ing sacêlaking<br />
pasareyan sarta mirêngakên sadaya pangandikanipun Sèh Amongraga.<br />
Enjingipun sami kêmbul bujana. Ni Malarsih andangu Nikèn Tambangraras<br />
punapa sampun kêmpal apasihan kalihan Sèh Amongraga.<br />
Wangsulanipun sadalu kawêjang ngèlmi. Salajêngipun Ni Malarsih paring<br />
pitutur dhatêng putranipun bab susilaning akrami.<br />
Kaca 58 - 70<br />
18. Wus miranti panggonan aguling |<br />
lan kang garwa Malarsih anendra |<br />
tata kang wontên dalême |<br />
sang pinangantyan wau |<br />
kang kalilan lênggah sarimbit |<br />
Amongraga ngandika |<br />
mring kang rayi arum |<br />
dhuh yayi kusumaningwang |<br />
asareya nèng tilam mangsane arip |<br />
rapuh sasore mula ||<br />
< <strong>Serat</strong> <strong>Centhini</strong> <strong>Jilid</strong> <strong>06</strong> - Halaman : 78 ><br />
<strong>Jilid</strong> 6 - Kaca : 59